The news is by your side.

Advertisement

وزیر اعظم کا دورۂ قطر:‌ افغانستان کے امن کیلئے پاکستان کی حمایت کا اعادہ

اسلام آباد: وزیر اعظم عمران خان نے امریکا اور طالبان معاہدے میں راہ ہم وار کرنے پر قطر کے کردار کو سراہا اور اپنی بھرپور حمایت کا یقین دلایا۔

وزارتِ خارجہ کی جانب سے وزیراعظم عمران خان کے دورۂ قطر کا اعلامیہ جاری کیا گیا جس کے بعد دونوں ممالک کے سربراہان نے بنفس نفیس (ون آن ون) ملاقات کی جس کے بعد وفودکی سطح پربھی ملاقاتیں ہوئیں۔

اعلامیے کے مطابق ملاقات میں دوطرفہ تعلقات سمیت علاقائی اورعالمی امورپرگفتگو ہوئی جبکہ وزیراعظم عمران خان اور امیرِ قطر   امیر قطر تمیم بن حمد الثانی نے سماجی و معاشی شراکت داری مزیدمضبوط کرنے پر بھی اتفاق کیا۔

اعلامیے کے مطابق وزیراعظم نےامریکا ،طالبان کے مذاکرات اور معاہدے میں قطر کےکردارکوسراہا، دونوں فریقین کے درمیان ہونے والے معاہدے پر 29 فروری کو دستخط ہوں گے۔

وزیر اعظم عمران خان نے افغان مفاہمتی عمل میں پاکستان کی بھرپور حمایت کا یقین دلایا۔ دونوں فریقین نے اس بات پر بھی غور کیا کہ فریقین افغانستان میں امن و استحکام کے لیے کردار ادا کریں گے۔

وزیر اعظم عمران خان نے امیر قطر کو بھارت میں جاری مسلم مخالف فسادات سے آگاہ کیا اور وہاں کی صورت حال پر گہری تشویش کا اظہار بھی کیا۔ عمران خان کا کہنا تھا کہ ’ہندوتوا نظریےسے متاثر بھارتی حکومت فسادات کی ذمہ دار ہے۔

علاوہ ازیں وزیراعظم عمران خان نے امیرقطرکومقبوضہ کشمیرمیں انسانی حقوق کی خلاف ورزیوں سےآگاہ کرتے ہوئے بتایا کہ آر ایس ایس نظریات پر چلنے والی حکومت کشمیریوں کے حقوق پامال کر رہی ہے۔

fb-share-icon0
Tweet 20

Comments

comments

یہ بھی پڑھیں