The news is by your side.

Advertisement

کوئٹہ: عمران خان کی سول اسپتال آمد، زخمیوں‌ کی عیادت

کوئٹہ: چیئرمین پاکستان تحریک انصاف عمران خان سانحہ کوئٹہ کے زخمیوں کی عیادت کے لیے سول اسپتال کوئٹہ پہنچ گئے ان کا کہنا تھا کہ ٹریننگ سینٹر پر حملے کی تفتیش کی جائے، بلوچستان میں غیر ملکی ایجنسیاں متحرک ہیں۔

سول اسپتال میں میڈیا سے بات چیت کرتے ہوئے عمران خان نے کہا کہ پولیس ٹریننگ سینٹر پر حملے کی تفتیش کی جائے، بلوچستان میں غیر ملکی ایجنسیاں متحرک ہیں، وزیراعظم کو بلوچستان پر زیادہ توجہ دینی چاہیے تھی،وزیراعظم نے جتنے دورے لندن کے کیے اتنے بلوچستان کے کرلیتے۔

انہوں نے کہا کہ بھارتی جاسوس بلوچستان سے ہی پکڑا گیا تھا،نیشنل ایکشن پلان میں کہا گیا تھا کہ کرپشن اور دہشت گردی کا آپس میں گٹھ جوڑ ہے،کوئٹہ میں دوسری بار یہ واردات ہوئی اصل میں کسی اور کی جنگ میں شریک ہوکر ہم نے عذاب اپنے اوپر مسلط کرلیا۔

انہوں نے کہا کہ دونومبر پاکستان کی تاریخ کا فیصلہ کن وقت ہے، یہ بتانے کے لیے آیا ہوں کہ پورا پاکستان آپ کے لیے کھڑا ہے۔

یہ بھی پڑھیں:عمران خان کا سیاسی سرگرمیاں معطل کر کے کوئٹہ روانگی کا فیصلہ

انہوں نے مزید کہاکہ ایم کیو ایم کو بھارتی ایجنسی را سپورٹ کرتی ہے۔

عمران خان نے آج اپنی تمام سیاسی سرگرمیاں معطل کر کے کوئٹہ روانگی کا فیصلہ کیا، قبل ازیں عمران خان کی زیر صدارت تحریک انصاف کی اعلیٰ قیادت کا اجلاس ہوا۔ اجلاس میں اس بات پر بحث کی گئی کہ حالیہ سانحہ کے بعد آیا سیاسی سرگرمیوں کو جاری رکھا جائے یا نہیں۔

عمران خان کو آج ایبٹ آباد کے لیے روانہ ہونا تھا جہاں تحریک انصاف کا جلسہ تھا تاہم عمران خان نے ایبٹ آباد کا دورہ اور جلسہ منسوخ اور سیاسی سرگرمیاں معطل کر کے کوئٹہ روانگی کا فیصلہ کیا ہے۔

Comments

comments

یہ بھی پڑھیں