The news is by your side.

Advertisement

وزیراعظم عمران خان لاہور پہنچ گئے، کل کابینہ اجلاس کی صدارت کریں گے

لاہور: وزیراعظم عمران خان تھر پارکر میں جلسے کے بعد لاہور میں اپنی رہائش گاہ زمان پارک پہنچ گئے کل پنجاب کابینہ اجلاس کی صدارت کریں گے۔

تفصیلات کے مطابق وزیر اعظم عمران خان تھرپاکر میں جلسہ عام سے خطاب کے بعد لاہور پہنچ گئے، اس حوالے سے ذرائع کا کہنا ہے کہ وزیراعظم زمان پارک میں اپنی رہائش گاہ پر پہنچے ہیں۔

عمران خان نے کل پنجاب کابینہ اجلاس بھی طلب کرلیا ہے، وزیراعظم کی زیر صدارت اجلاس میں صوبائی وزراء کی کارکردگی کاجائزہ لیا جائے گا۔

اس کے علاوہ وزیراعظم گورنر پنجاب سے اہم معاملات پر بریفنگ بھی لیں گے، ذرائع کا مزید کہنا ہے کہ وزیراعظم کل پنجاب انرولمنٹ پالیسی کا افتتاح کریں گے۔

اسکولوں میں بچوں کے داخلے کے ٹارگٹ کا بھی اعلان کیا جائے گا، وزیراعظم کونیشنل ایکشن پلان پرعمل درآمد رپورٹ پر بریفنگ دی جائے گی۔

مزید پڑھیں: ہماری فوج بالکل تیار ہے، بھارت سےکہتا ہوں کچھ بھی کیا توجوابی کارروائی ہوگی، وزیراعظم

واضح رہے کہ وزیراعظم عمران خان نے تھرپارکر چھاچھرو میں جلسہ عام سے خطاب کرتے ہوئے کہا ہے کہ اگر کوئی یہ سوچ رہا ہے کہ ہمیں غلام بنالے گا تو یہ کان کھول کرسن لے، میں اور میری قوم میچ کی آخری با ل تک کھیل کوجنگ کی طرح لڑےگی، ہماری فوج بالکل تیار ہے، بھارت سے کہتا ہوں کچھ بھی کیا تو جوابی کارروائی ہوگی۔

Comments

comments

یہ بھی پڑھیں