لندن : پاکستان تحریک انصاف کے چیئرمین عمران خان اپنے دونوں بیٹوں کے ہمراہ پاکستان اور انگلینڈ کے درمیان جاری ٹیسٹ میچ دیکھنے لارڈز کرکٹ اسٹیڈیم پہنچ گئے ہیں۔
تفصیلات کے مطابق تحریک انصاف کے سربراہ عمران خان جو اس وقت اپنے بچوں سے ملاقات اور ان کے ساتھ وقت گزارنے کیلئے لندن میں موجود ہیں جہاں انہوں نے بچوں کے ہمراہ پاکستان اور انگلینڈ کے درمیان جاری ٹیسٹ میچ کا دوسرے روز کا کھیل دیکھنے کیلئے سٹیڈیم پہنچ گئے ہیں۔
ذرائع کے مطابق پی ٹی آئی کے چیئرمین عمران خان نے لارڈز ٹیسٹ میچ دیکھنے کیلئے بچوں کے ساتھ ساتھ اپنی بھی ٹکٹ کی بکنگ کروائی تھی، عمران خان وی آئی پی لاؤنج میں خوشگوار موڈ میں میچ دیکھ رہے تھے جب کہ اُن کے دونوں صاحبزادے بھی نہاہت خوش نظر آرہے تھے۔
یاد رہے عمران خان کی لندن روانگی کے بعد اُن کی تیسری شادی کی خبریں گردش کرنے لگی تھیں جس کی عمران خان کی جانب سے تردید بھی کی گئی تھی تا ہم افواہوں کا ذور نہیں ٹوٹ سکا تھا جس کے بعد خدشہ ظاہر کیا جارہا تھا کہ عمران خان اور اُن کے صاحبزادوں کے درمیان تناؤ پیدا ہو گیا ہے اور ان کے درمیان فاصلے بڑھتے جا رہے ہیں تا ہم آج اُن کی اپنے بیٹوں کے ساتھ کرکٹ اسٹیڈیم میں آمد نے ان خدشوں کو غلط ثابت کر دیا ہے۔
