لندن : تحریک انصاف کے سربراہ عمران خان نے کہا ہے پناما لیکس پر عدالت کا ہر فیصلہ قبول کریں گےاور انہوں نے کہا کہ چودھری نثار سے ملاقات نہیں ہوگی۔
تفصیلات کےمطابق تحریک انصاف کے سربراہ عمران خان کا مانچسٹر میں صحافیوں سے گفتگوکرتے ہوئے کہناتھا کہ ملک میں نئی تاریخ رقم ہورہی کہ وزیراعظم کٹہرے میں کھڑا ہے۔
مزید پڑھیں:خراب کاریگر اپنے اوزار کو الزام دیتا ہے، بلاول بھٹو
پی ٹی آئی کے چئیرمین عمران خان کا کہناتھا کہ سپریم کورٹ کو ثبوت فراہم کرنا ان کی ذمہ داری نہیں ہے،عدالت خود پوچھے گی۔
عمران خان نےواضح کردیا کہ کوئی سازش نہیں ہو رہی وہ مانچسٹر اپنے ایک دوست کی بہن کی شادی میں آئے ہیں اور بچوں سے مل کر وطن واپس چلے جائیں گے۔تحریک انصاف کے چیرمین کا کہنا تھا کہ قطری شہزادہ کہاں سے آگیا اس پر بھی سوالات ہوں گے۔
مزید پڑھیں:پاناما کیس : پی ٹی آئی کے وکیل حامد خان کی پیروی سے معذرت
تحریک انصاف کےسربراہ عمران خان کا کہنا تھا کہ حامد خان پر پریشرز آگئے ہیں اس لیے وہ مقدمے کی پیروی نہیں کرنا چاہتے۔اس موقع پر شیخ رشید کا کہنا تھا کہ وکیل کا فیصلہ پیرتک کر لیا جائےگا۔
پی ٹی آئی کے چیئرمین عمران خان کا کہنا تھا کہ پناما شریف کے باعث وہ پانچ ماہ سے اپنے بچوں سے نہیں مل سکے۔
واضح رہے کہ17 نومبر کوپانامالیکس کیس کی سماعت کےبعدلارجر بنچ نےسماعت 29 نومبر تک ملتوی کردی تھی۔
