site
stats
پاکستان

عائشہ گلالئی کی پریس کانفرنس دیکھ کر عمران خان ہنسی چھوٹ گئی تھی

اسلام آباد : پاکستان تحریک انصاف کے سربراہ عمران خان کی عائشہ گلالئی کی پریس کانفرنس دیکھ کر ہنسی چھوٹ گئی، عمران خان کا کہنا تھا کہ کل تک میرا کرادار ٹھیک تھا آج خراب ہوگیا۔

تفصیلات کے مطابق پی ٹی آئی کو خیر آباد کہنے والی عائشہ گلالئی نے پریس کانفرنس میں تحریک انصاف کے چیئرمین کے کردار پر الزامات لگائے تو یہ دیکھ کر عمران خان کی ہنسی چھوٹ گئی، عمران خان کا پارٹی قیادت کو کہنا تھا کہ کل تک میرا کرادار ٹھیک تھا آج خراب ہوگیا۔

عمران خان نے کہا کہ عائشہ گلالئی کو کہا تھا آپ کے ٹکٹ کا فیصلہ پارلیمانی بورڈ کرے گا، 4سال میں صرف47 دن قومی اسمبلی اجلاس میں شرکت کی، پارلیمانی بورڈ آپ کی پارلیمانی کارروائی سے مطمئن نہیں۔


مزید پڑھیں :  تحریک انصاف میں خواتین کی عزت محفوظ نہیں، عائشہ گلالئی


یاد رہے گذشتہ روزعائشہ گلالئی نے تحریک انصاف چھوڑنے کا اعلان کیا اور پریس کانفرنس میں پی ٹی آئی پر سنگین الزام عمران خان اور رہنماؤں کے کردار پرانگلی اٹھائی تھی اور کہا تھا کہ تحریک انصاف میں خواتین کی عزت محفوظ نہیں ہے۔

عائشہ گلالئی نے کہا تھا کہ پارٹی میں عزت دارخواتین کی عزت نہیں، چئیرمین خود بھی خواتین کی عزت نہیں کرتے،  پارٹی میں اخلاقیات نہیں اس لیے چھوڑنے کا فیصلہ کیا۔

انہوں نے الزام عائد کیا کہ تحریک انصاف کے چیئرمین اور قیادت خواتین کارکنان کو نازیبا میسجز کرتی ہے، جس کی وجہ سے کئی خواتین کارکنان نالاں ہیں، میں این اے ون کا ٹکٹ نہیں مانگا، نہ ہی جلسے میں تقریر کا معاملہ تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top