site
stats
پاکستان

ایس ایس پی تشدد کیس، عمران خان نے اپنے اوپر لگے تمام الزامات مسترد کردیئے

اسلام آباد : ایس ایس پی تشدد کیس میں چیئرمین پی ٹی آئی عمران خان نے تحریری بیان میں اپنے اوپر لگے تمام الزامات مسترد کردیئے۔

تفصیلات کے مطابق ایس ایس پی تشدد کیس میں تحریک انصاف کے چئیرمین عمران خان شامل تفتیش کرلیے گئے، پولیس حکام کا کہنا ہے کہ عمران خان دو روز پہلے تھانہ سیکرٹریٹ میں 2منٹ کیلئے پیش ہوئے اور تفتیشی افسر انیس اکبر کو تحریری بیان ریکارڈ کرایا  اورواپس چلے گئے۔

بیان میں عمران خان نے اپنے اوپر لگے تمام الزامات مسترد کردیئے۔

مقدمہ کی سماعت کل انسداد دہشت گردی اسلام آباد کی خصوصی عدالت میں ہوگی۔


مزید پڑھیں :عمران خان کو شامل تفتیش ہونے اور بیان ریکارڈ کرانے کا حکم


یاد رہے کہ انسداد دہشت گردی عدالت نے پی ٹی وی حملہ سمیت چارکیسز میں عمران خان کو شامل تفتیش ہونے کا حکم دیتے ہوئے پولیس افسر کے سامنے بیان ریکارڈ کرانے کا بھی حکم جاری کیا تھا۔

جن میں پی ٹی وی، پارلیمنٹ حملہ اور ایس ایس پی عصمت اللہ جونیجو تشدد کیس بھی شامل ہے۔

یاد رہے رواں ماہ 14 نومبر کو سماعت میں انسدادِ دہشت گردی عدالت نے تحریک انصاف کے سربراہ عمران خان کی ضمانت منظور کرلی تھی۔

واضح رہے کہ عمران خان کو پی ٹی وی حملے سمیت تین مقدمات میں اشتہاری قرار دیا گیا تھا، 2014 میں تحریک انصاف کے دھرنے کے دوران عمران خان اور تحریکِ انصاف کے رہنماء عارف علوی کی مبینہ ٹیلیفونک گفتگو منظرِ عام پر آ ئی تھی، جس میں عمران خان مبینہ طور پر حملہ کرنے کا کہہ رہے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top