site
stats
پاکستان

عمران خان نااہلی ریفرنس: ن لیگ کے وکیل کی سرزنش

اسلام آباد: عمران خان نا اہلی ریفرنس میں چیف الیکشن کمشنر نے ن لیگ کے وکیل اکرم شیخ کی سرزنش کردی۔ سردار رضا نے کہا کہ لگتا ہے آپ صرف سیاست کر رہے ہیں۔

تفصیلات کے مطابق الیکشن کمیشن میں عمران خان نا اہلی ریفرنس کی سماعت ہوئی۔ طلال چوہدری کے وکیل اکرم شیخ کے دلائل پر چیف الیکشن کمشنر برہم ہوگئے۔

انہوں نے ریمارکس دیے کہ لگ رہا ہے آپ صرف سیاست کر رہے ہیں۔

اکرم شیخ ایڈووکیٹ نے کہا کہ مزید دستاویزات جمع کروانے کے لیے وقت دیا جائے جس پر چیف الیکشن کمشنر کا کہنا تھا کہ دستاویزات تو پہلے بھی بہت سی لگی ہیں۔ نعیم الحق نے کہا کہ فیصلے میں تاخیر نہیں ہونی چاہیئے۔

ن لیگ کی رہنما مائزہ حمید نے الزام عائد کیا کہ عمران خان مقدمے کی پیروی کے بجائے خود غائب ہوجاتے ہیں۔

الیکشن کمیشن نے فریقین کو سننے کے بعد مزید سماعت دس جنوری تک ملتوی کردی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top