The news is by your side.

ممنوعہ فنڈنگ کیس : عمران خان کا ایف آئی اے کے نوٹس کا جواب دینے سے انکار

اسلام آباد : تحریک انصاف کے چیئرمین عمران خان نے ممنوعہ فنڈنگ کیس میں ایف آئی اے کو جواب دینے سے انکار کرتے ہوئے کہا 2دن میں نوٹس واپس نہ لیا توقانون کے تحت کارروائی کروں گا۔

تفصیلات کے مطابق ممنوعہ فنڈنگ کیس میں پی ٹی آئی چیئرمین عمران خان نے ایف آئی اے کے نوٹس کا جواب دینے سے انکار کردیا۔

عمران خان نے تحریری جواب میں کہا کہ آپ کو نہ جوابدہ ہوں اور نہ ہی معلومات فراہم کرنے کا پابند، 2دن میں نوٹس واپس نہ لیا توقانون کے تحت کارروائی کروں گا۔

عمران خان اور پی ٹی آئی کی جانب سے سے سابق اٹارنی جنرل انور منصور نے جواب بھجوایا ، جواب ایف آئی اے کمرشل بینک سرکل اسلام آباد کی ڈپٹی ڈائریکٹر آمنہ بیگ کو بھجوایا گیا۔

تحریری جواب میں کہا کہ پی ٹی آئی سے تفصیلات،دستاویزطلب کرنا ایف آئی اے کے زیراثر ہونے کا مظہر ہے۔

عمران خان کی جانب سے کہا گیا کہ الیکشن کمیشن نے فیصلہ نہیں دیا بلکہ رپورٹ جاری کی ،الیکشن کمیشن ایف آئی اے یا کسی اور ادارے کو رپورٹ پر حکم جاری نہیں کرسکتا۔

جواب میں کہنا تھا کہ ایف آئی اے کے پاس پولیٹیکل پارٹیز آرڈر2002 کے تحت کارروائی کا اختیار نہیں ، جاری کیاگیا نوٹس ایف آئی اے ایکٹ سے بھی متصادم ہے۔

ایف آئی اے کو جواب میں کہا ہے کہ سپریم کورٹ متعدد فیصلوں میں الیکشن کمیشن کو انتظامی ادارہ قرار دے چکی ہے ،الیکشن کمیشن عدالت ہے نہ ہی ٹریبونل۔

خیال رہے ایف آئی اے کمرشل بینک سرکل نے ممنوعہ فنڈنگ کیس میں عمران خان سے اکاؤنٹس کی تفصیلات طلب کی ہے۔

Comments

یہ بھی پڑھیں