The news is by your side.

Advertisement

جمہوریت کو بادشاہت میں بدلنے کی کوشش ہورہی ہے،عمران خان

اسلام آباد : چیئرمین تحریک انصاف عمران خان نے ریگولیٹرز کو وزارتوں کو ماتحت کرنے کا حکومتی فیصلہ مکمل طور پر مسترد کر تے ہوئے سخت الفاظ میں مذمت کی ہے، انکا کہنا ہے کہ جمہوریت کو بادشاہت میں بدلنے کی کوشش ہورہی ہے۔

تفصیلات کے مطابق تحریک انصاف نے ریگولیٹریز کو وزارتوں کے ماتحت کرنے کا حکومتی فیصلے کے ردعمل میں عمران خان کا کہنا تھا کہ نواز شریف نے اس فیصلے کے ذریعے شفافیت اور احتساب کے نظام پر کاری ضرب لگانے کی کوشش کی ہے، فیصلہ وزیراعظم نواز شریف کی جانب سے جمہوری نظام کو بادشاہت میں بدلنے کی ایک کوشش ہے۔

عمران خان نے کہا کہ نوازشریف نے خود مختار اداروں کو وزارتوں کے ماتحت کر کے ان کی آزادی صلب کرنے کی مضحکہ خیز کوشش کی ہے، تحریک انصاف حکومت کے اس غیر جمہوری اقدام کو مکمل طور پر مسترد کرتی ہے۔

اپنے بیان میں انہوں نے کہا کہ نواز شریف حکومت، بیوروکریسی اور ریاستی اداروں کو قواعد سے آزاد کر کے شتر بے مہار بنانا چاہتے ہیں

عمران خان کا کہنا ہے کہتحریک انصاف حکومت کے مضموم ارادوں کا ہر سطح پر ڈٹ کر مقابلہ کرے گی۔

یاد رہے کہ وفاقی حکومت نے ایک نوٹی فکیشن کے ذریعے خود مختار اداروں اوگرا، نیپرا، پیپرا، پی ٹی اے اور ایف اے بی کو متعلقہ وزارتوں کے ماتحت کردیا تھا۔


مزید پڑھیں : نیپرا، اوگرا سمیت 5 ریگولیٹری اتھارٹیز، وزارتوں کے ماتحت


وفاقی حکومت کی جانب سے جاری کردہ سرکاری اعلامیے کے مطابق نیپرا کو وزارتِ پانی و بجلی، اوگرا کو وزارتِ تیل و گیس، پیپرا کو وزارتِ خزانہ جب کہ پاکستان ٹیلی کمیونی کیشن اور فریکوئنسی ایلوکیشن بورڈ کو وزارتِ آئی ٹی اور ٹیلی کمیونی کیشن کے ماتحت کردیا گیا تھا۔

وفاقی حکومت کے نوٹی فکیشن کے بعد اب یہ پانچوں خود مختار ادارے اپنی اپنی متعلقہ وزارتوں کے ماتحت کام کریں گی جب کہ ماضی میں قیمتوں کے تعین میں شفافیت برقرار رکھنے کے لیے اِن ریگولیٹری اتھارٹیز کو وزارتوں کے ماتحت کرنے کے بجائے آزاد اور خود مختار ادارے کے طور پر کام کرنے کا موقع دیا گیا تھا۔

Print Friendly, PDF & Email

Comments

comments

یہ بھی پڑھیں