اسلام آباد: وزیراعظم عمران خان نے کہا ہے کہ قوم کی خصوصی دعاؤں کی بدولت ہم نے بین الاقوامی سطح پر کشمیر کا مقدمہ اچھے طریقے سے لڑا، کشمیریوں کے ساتھ کھڑے ہوکر ہم اللہ کو خوش کرنا چاہتے ہیں، جہدوجہد میں اونچ نیچ آتی ہے قوم کو گھبرانا نہیں ہے، مودی کو ہر فورم پر بے نقاب کریں گے۔
تفصیلات کے مطابق وطن واپس پہنچنے پر وزیراعظم عمران خان نے اسلام آباد ایئرپورٹ پر استقبالیے سے خطاب کیا۔ اُن کا کہنا تھا کہ سب سے پہلےقوم کا شکریہ ادا کرتاہوں کہ انہوں نے ہمارے لئے دعائیں کیں،مشکل وقت میں کشمیریوں کا کیس بین الاقوامی سطح پر بھرپور طریقے سے رکھنے کے لیے خصوصٰ دعائیں گی گئیں۔
عمران خان کا کہنا تھا کہ بشریٰ بیگم کا بھی خصوصی طورپرشکریہ ادا کرتاہوں انہوں نے بھی خصوصی دعائیں کیں، آج دنیا کا کوئی ملک کشمیر کے ساتھ کھڑا نہیں بھی ہوتا تو ہم اللہ کی خوشنودی حاصل کرنے کے لیے کشمیریوں کے ساتھ کھڑے ہیں، مقبوضہ وادی میں لوگوں پر ظلم ہورہا ہے اس موقع پر اُن کے ساتھ کھڑے ہونا جہاد ہے۔
[bs-quote quote=”اسلام مخالف مودی کی فاشسٹ حکومت کو دنیا کے ہر فورم پر بے نقاب کریں گے” style=”style-9″ align=”left” author_name=”عمران خان”][/bs-quote]
وزیراعظم کا کہنا تھا کہ 80لاکھ لوگوں کو بھارت کی فوج نے کرفیو میں بند کرکے رکھاہے، جدوجہد میں اونچ نیچ ہوتی ہے اور اس دوران اچھا برا دونوں وقت آتے ہیں، آپ نے برے وقت میں مایوس ہونا یا گھبرانا اس لیے نہیں کہ کشمیر کے لوگ آپ کی طرف دیکھ رہے ہیں، جب تک آپ اُن کے ساتھ کھڑے ہوں گے وہ جدوجہد کرتے رہیں گے۔
عمران خان کا کہنا تھا کہ انشااللہ کشمیری اپنی آزادی حاصل کرکے رہیں گے، میں نے کہا تھا میں کشمیریوں کا سفیر بن کر جاؤں گا، مسلمانوں سے نفرت کرنے والی مودی کی فاشسٹ حکومت کو دنیا کے سامنے اور ہرفورم پر بے نقاب کریں گے، انسان کوشش کرسکتا ہے باقی کامیابی اللہ دیتا ہے۔