The news is by your side.

Advertisement

ملک کو کرپشن کے گاڈ فادر سے نجات دلانے کے لیے میری نااہلی چھوٹی سی قیمت ہوگی، عمران خان

اسلام آباد : تحریک انصاف کے چیئرمین عمران خان کا کہنا ہے کہ ملک کو کرپشن کے گاڈ فادر سے نجات دلانے کے لیے میری نااہلی چھوٹی سی قیمت ہوگی۔

تفصیلات کے مطابق خواجہ سعد رفیق اور خورشید شاہ کی جانب سے نااہلی کے طعنوں کے جواب میں سماجی رابطے کی ویب سائٹ ٹوئٹر پر اپنے ٹوئٹ میں پی‌ ٹی آئی کے چیئرمین عمران خان کا کہنا ہے کہ انہیں یقین ہے ان کے مقابلے میں جے آئی ٹی نوازشریف کو نادہندہ پائے گی۔

عمران‌ خان نے کہا کہ ملک کو کرپشن کے گاڈ فادر سے نجات دلانے کے لیے میری نااہلی چھوٹی سی قیمت ہوگی۔

انھوں نے مزید کہا کہ انیس سو تراسی میں لندن میں کرکٹ کی حلال اور ٹیکس شدہ آمدنی سے فلیٹ خریدا تھا، فلیٹ کو 2003 میں فروخت کیا گیا، فلیٹ کی فروخت سے حاصل رقم قانونی ذرائع سے وطن منتقل کی گئی۔

تحریک انصاف کے سربراہ عمران خان کا کہنا تھا کہ برطانیہ میں بیس سال سے،پاکستان میں انیس سو اکیاسی سے ٹیکس ادا کرتا آرہاہوں، کبھی کوئی غیرقانونی کام نہیں کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں