The news is by your side.

کسی اتحادی کی بات اچھی نہیں لگتی تو کارکن نظر انداز کریں، عمران خان

پاکستان تحریک انصاف کے چیئرمین اور سابق وزیر اعظم عمران خان کا کہنا ہے کہ کارکنوں کو اگر کسی اتحادی کی بات اچھی نہیں لگتی تو نظر انداز کریں۔

اے آر وائی نیوز کی رپورٹ کے مطابق عمران خان سے لاہور سے تعلق رکھنے والے کرنٹ افیئرزوی لاگرز نے ملاقات کی۔

ملاقات میں گفتگو کرتے ہوئے عمران خان نے کہا کہ اتحادیوں کی ہر بات ہماری لائن لینتھ پر نہیں ہو سکتی، ہمیں ایسی باتوں کو درگزر کرنا چاہیے۔

عمران خان نے کہا کہ اب دوبارہ آئیں گے تو احتساب کا نظام بہتر کریں گے، نیب کو میں کنٹرول نہیں کر رہا تھا۔

چیئرمین پی ٹی آئی کا کہنا تھا کہ ہمارے بعض لوگ اسمبلی تحلیل ہونے سے گھبرا رہے ہیں، اسمبلیاں تحلیل ہونے سے ہماری مقبولیت کم نہیں ہوگی۔

Comments

یہ بھی پڑھیں