اُمت مسلمہ کے اتحاد کے لیے یک جا ہونا بہت ضروری ہے، عمران خان -
The news is by your side.

Advertisement

اُمت مسلمہ کے اتحاد کے لیے یک جا ہونا بہت ضروری ہے، عمران خان

اسلام آباد: پاکستان تحریک انصاف کے چیئرمین عمران خان نے کہا ہے کہ اُمت مسلمہ کے اتحاد کے لیے سب کا یک جا ہونا بہت ضروری ہے۔

عمران خان نے چین اور سعودی عرب سے تعلقات کے حوالے سے اظہارِ خیال کرتے ہوئے کہا کہ پاکستان کا فرض ہے تنازعات کے حل کے لیے اپنا کردار ادا کرے۔

انھوں نے کہا کہ پاکستان‎ کے چین اور سعودی عرب کے ساتھ تعلقات ہمیشہ اچھے رہے ہیں، حکومت کوئی بھی ہو چین اور سعودی عرب کے ساتھ ہمارے تعلقات میں فرق نہیں پڑتا۔

پی ٹی آئی رہنما کا کہنا تھا کہ اس وقت پاکستان میں حالات بہتر نہیں ہیں، مسلم دنیا میں سب سے مضبوط ملک پاکستان ہے، ہماری کوشش ہونی چاہیے کہ مسلم امہ کو متحد رکھیں۔

واضح رہے کہ عمران خان نے رمضان کی27 ویں شب مسجد نبوی ﷺ میں عبادت میں گزاری، اور اگلے دن اپنی اہلیہ کے ہم راہ عمرے کی ادائیگی کے لیے مکہ مکرمہ گئے۔

عمران خان نے رمضان کی27ویں شب مسجد نبوی ﷺ میں عبادت میں گزاری


چئیرمین تحریک انصاف نے اپنی اہلیہ بشریٰ مانیکا کے ہم راہ مدینہ منورہ میں روضہ رسول ﷺ پر حاضری دی اور نوافل ادا کیے، انھوں نے ساری رات دعائیں مانگنے میں گزاری۔

قبل ازیں عمران خان مدینہ پہنچنے پر بغیرجوتوں کے طیارے سے اترے، طیارے سے اترتے ہوئے انھوں نے صرف موزے پہن رکھے تھے، وہ مقدس سر زمین پر احتراماً بغیر جوتوں ہی کے چلے۔

الیکشن 2018: پی ٹی آئی نے کمر کس لی، عمران خان روزانہ دو جلسوں سے خطاب کریں گے


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں