site
stats
پاکستان

خواجہ آصف نے اپنے بیانات سے پاکستان کے موقف کی نفی کردی، عمران خان

اسلام آباد : چیئرمین تحریک انصاف عمران خان نے کہا ہے کہ وزیر خارجہ خواجہ آصف نے امریکا میں دیئے گئے انٹرویوز میں اقوام متحدہ میں پاکستان کے موقف کی نفی کردی.

ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے ایک پیغام میں کیا، عمران خان کا کہنا تھا کہ خواجہ آصف نے امریکا کی ایشیاء سوسائٹی کے پروگرام میں تقریر کرتے ہوئے تحریک انصاف کو مذہبی انتہا پسند جماعتوں سے روابط رکھنے والی جماعت بتایا اور مسلم لیگ ن کو ایک لبرل اور معتدل مزاج جماعت بتایا.

اپنی دوسری ٹوئٹ میں انہوں نے کہا کہ مسلم لیگ (ن) ہی کی اتحادی جماعت جمعیت علمائے اسلام کے سربراہ مولانا فضل الرحمان تحریک انصاف کو عرصہ دراز سے یہودی ایجنٹ کہتے آئے ہیں یعنی دونوں اتحادی جماعتوں کا تحریک انصاف کے بارے میں یکسر مختلف خیالات ہیں جس سے ان کا جھوٹ پکڑا جا سکتا ہے۔

دوسری جانب چیئرمین تحریک انصاف کا اپنے ایک بیان میں کہنا تھا کہ خواجہ آصف کو وزیر خارجہ نہیں بنانا چاہئے تھا کیوں کہ انہوں نے امریکا میں پاکستان کے موقف کے مترادف بیانیہ اپنایا اور اپنے بیانات سے اقوام متحدہ میں ملیحہ لودھی کی جانب سے پیش کیئے گئے بیانیہ کی یکسر نفی کردی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top