اسلام آباد: وزیراعظم عمران خان کا کہنا ہے کہ نعیم راشد کے ہمت اورحوصلے پرقومی ایوارڈ دیا جائے گا۔
تفصیلات کے مطابق وزیراعظم عمران خان نے نعیم راشد کے لیے قومی ایوارڈ کا اعلان کرتے ہوئے کہا کہ میاں نعیم راشد پرپاکستان کو فخر ہے۔
وزیراعظم نے سماجی رابطے کی ویب سائٹ ٹویٹر پر اپنے پیغام میں کہا کہ نعیم راشد سفید فام دہشت گرد کو روکتے ہوئے شہید ہوئے، ان کے ہمت اورحوصلے پرقومی ایوارڈ دیا جائے گا۔
We stand ready to extend all our support to the families of Pakistani victims of the terrorist attack in Christchurch. Pakistan is proud of Mian Naeem Rashid who was martyred trying to tackle the White Supremacist terrorist & his courage will be recognized with a national award.
— Imran Khan (@ImranKhanPTI) March 17, 2019
عمران خان نے کہا کہ کرائسٹ چرچ دہشت گردی سے متاثرپاکستانی خاندان کے ساتھ ہیں، ہم متاثرین کے خاندان کی مدد کے لیے تیار ہیں۔
کرائسٹ چرچ حملے میں نمازیوں کو بچاتے ہوئے جان قربان کرنے والا پاکستانی ہیرو
یاد رہے کہ دو روز قبل نیوزی لینڈ میں مساجد پرحملہ آور کو روکنے کی کوشش کرنے والے پاکستانی شہری نعیم راشد دہشت گرد کو پکڑتے ہوئے شہید ہوگئے جبکہ حملے میں ان کا بیٹا بھی شہید ہوا۔
دفترخارجہ کا کہنا ہے کہ نعیم راشد اور ان کے بیٹے کی تدفین کرائسٹ چرچ میں ہی کی جائے گی جہاں پاکستانی کمیونٹی نے ان کی تدفین کے انتظامات کیے ہیں۔
نیوزی لینڈ کی 2 مساجد میں فائرنگ‘ 49 افراد جاں بحق
واضح رہے کہ دو روز قبل نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔
مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔
