لاہور : سابق وزیراعظم عمران خان کا کہنا ہے کہ این آر او ٹو این آر او ون سے زیادہ شرمناک ہے، 1100 ارب کرپشن کے کیسز کو استثنیٰ دیا جا رہا ہے۔
تفصیلات کے مطابق سابق وزیراعظم عمران خان نے سماجی رابطے کی ویب سائٹ ٹوئٹر پر این آراو 2 کی تفصیلات ویڈیو میں ٹوئٹر پرشیئر کیں۔
عمران خان نے اپنے پیغام میں لکھا این آراو ون اس قوم کو مہنگا پڑا، ان 2 بدمعاش خاندانوں اور ساتھیوں کی لوٹ مارنے10سال میں قرض 4 گنا بڑھا دیا، این آر او 2 اور بھی شرمناک ہے، 1100 ارب کرپشن کے کیسز کو استثنیٰ دیا جا رہا ہے، دن دیہاڑے ڈکیتی۔
NRO 1 cost this nation dearly. The loot & plunder of these two crooked families & their associates increased our debt four times in ten years. NRO2 is even more shameful. Rs 1100 billion corruption cases are being given immunity. Daylight robbery! pic.twitter.com/rk4B8EKPYb
— Imran Khan (@ImranKhanPTI) December 6, 2022
اسے قبل چیئرمین پی ٹی آئی نے اسلام آباد میں پی ٹی آئی کارکنوں سے خطاب کرتے ہوئے کہا تھا کہ موجودہ حکمران صرف این آر او ٹو حاصل کرنے کے لیے سیاسی کھیل کھیل رہے ہیں، ملک سے چوروں کی حکمرانی کا جلد از جلد خاتمہ ضروری ہے۔
