site
stats
پاکستان

پاکستان ایک دم اٹھے گا، صرف 200 سو لوگ درکار ہیں جو اداروں کو درست کردیں گے، عمران خان

شیخوپورہ : چیئرمین پاکستان تحریک انصاف عمران خان نے کہا ہے کہ ملک میں تبدیلی کے لیے 200 افراد کی تلاش شروع کر دی ہے جو ملک کے بے حال اداروں کو ٹھیک کرسکتے ہیں اگر ایک آئی جی خیبرپختونخواہ کی پولیس ٹھیک کرسکتا ہے تو کیا 4 اور آئی جی نہیں مل سکتے؟

وہ شیخو پورہ میں جلسہ عام سے خطاب کر رہے تھے عمران خان کا کہنا تھا کہ بینک آف خیبرکی طرح کیوں نہیں ہم پی آئی اے اور اسٹیل مل کو ٹھیک کر سکتے؟ ہمیں اداروں کو ،مضبوط اور مستحکم کر کے ملک کو خوشحال اور ترقی کی راہ پر گامزن کرسکتے ہیں.

عمران خان نے کہا کہ نظام ٹھیک ہوگا تو ملک میں سرمایہ کاری آئے گی اور بے روزگاری ختم ہوگی لیکن شریفوں اور زرداریوں نے میرٹ کو اوپر نہ آنے دیا اور ملک کو تباہ کیا.

عمران خان نے کہا کہ اقتدارمیں آکر پیسہ بنانا بہت آسان ہے، اور نوازشریف تو اقتدارمیں آیا ہی پیسہ بنانے کے لئے تھا کرپٹ وزیراعظم ادارے تباہ کر کے پیسہ بناتا ہے میں بھی کے پی کے میں بہت پیسا بنا سکتا تھا لیکں میں نے عوام کے لیے کام کیا اور خیبرپختونخواہ میں ایک بھی جعلی یا میرٹ کے خلاف بھرتی نہیں کرائی.

انہوں نے کہا کہ گائے کا گوشت بیچنے پر بھارت میں ڈنڈوں سے مار مار کر ایک مسلمان کو قتل کیا گیا تھا جس کی ویڈیو دیکھ کر قائداعظم کا مسلمانوں کے لیے ایک الگ ملک کا مطالبہ سمجھ میں آیا کیوں کہ قائد اعظم جان چکے تھے کہ علیحدہ ملک نہ ملا تو مسلمان پس جائیں گے.

عمران خان نے کہا کہ نریندر مودی صرف ہندوؤں کا ہندوستان چاہتا ہے جہاں مسلمانوں اور عیسائیوں پر مظالم ڈھائے جا رہے ہیں ہورہےہیں، اگر ہمیں اقتدار ملا تو ہم پاکستان میں موجود اپنے اقلیتی برادری کو برابرکا شہری بنائیں گے، سندھ میں ہندو لڑکیوں کو زبردستی مسلمان کرنے کا سن کر دکھ ہوتا ہے کیوں کہ قرآن میں واضح لکھا ہے کہ دین میں زبردستی نہیں ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top