The news is by your side.

Advertisement

ٹرمپ کے اقدام سے مسلمانوں کے خلاف جرائم میں اضافہ ہوگا، عمران خان

اسلام آباد : چیئرمین تحریک انصاف عمران خان کا کہنا ہے کہ ٹرمپ کا امیگریشن، پناہ اور ویزا سے متعلق حکم نامہ نسلی تعصب اور منفی رویے کی عکا س ہے۔

یہ تحریک انصاف کے دربراہ عمران خان نے سماجی رابطے کی ویب سائٹ ٹوئٹر پر تحریر کردہ پیغام میں کہی، اُن کا کہنا تھا کہ ٹرمپ کی جانب سے پناہ گزین اور ویزہ پالیسی امریکی مسلمانوں کےخلاف نفرت انگیزجرائم میں اضافہ کرے گا۔

انہوں نے امریکہ کے نئے صدر ڈونلڈ ٹرمپ کی مسلمانوں کے خلاف نفرت آمیز قدم کو نسلی تعصب اور دہرے عمل کا مظہر قرار دیا اور اس امر کی شدید الفاظ میں مذمت کی۔

اپنے ایک اور پیغام میں عمران خان کا مزید کہنا تھا کہ تحریک انصاف پاکستان کو ایسی سرزمین بنائے گی جسے ہر کوئی اپنا مسکن بنانے میں فخر محسوس کرے گا اور کوئی بھی پاکستانی اپنا وطن چھوڑ کر بیرون ملک جا کر ملازمت اور سکونت حاصل کرنے پر مجبور نہیں ہوگا۔

Print Friendly, PDF & Email

Comments

comments

یہ بھی پڑھیں