The news is by your side.

Advertisement

نوازشریف کےگھر نہیں رائے ونڈ میں جلسہ کرنے جا رہے ہیں،عمران خان

لاہور: تحریک انصاف کے سربراہ عمران خان نے کہا ہے کہ ہم رائے ونڈ میں جلسہ کرنے جارہے ہیں نواز شریف کے گھر نہیں۔

اے آر وائی نیوز کے پروگرام ” پاور پلے” میں آج بہ طور مہمان خصوصی سربراہ تحریک انصاف عمران خان مدعو تھے،پروگرام کے میزبان ارشد شریف کو انٹرویو دیتے ہوئے انہوں نے کہا کہ وزیراعظم اور ان کے اہل خانہ کا نام پاناما پیپرز میں آچکا ہیں اس لیے وہ حق حکمرانی کا جواز کھو بیٹھے ہیں۔

انہوں نے حکومتی کرپشن کے بارے میں انکشافات کرتے ہوئے بتایا کہ نندی پور پروجیکٹ کے فرنس آئل کے بلوں میں اربوں روپے مالیت کا گھپلا ہے چوری پکڑے جانے پر ریکارڈ پھاڑ دیا گیا ہے،اسی طرح محکمہ ریلوے میں بھی کرپشن عروج پر ہے آڈٹ رپورٹ نے حکومتی کرپشن کی قلعی کھول دی ہے جس میں بتایا گیا ہے کہ ریلوے میں 10 ارب روپے کا گھپلا ہے۔

۔

چیئرمین تحریک انصاف کا کہنا تھا کہ برصغیر میں پاکستان وہ واحد ملک ہے جو تعلیم پر سب سے کم رقم خرچ کرتا ہے،تعلیم اور صحت کے شعبے میں سب سے کم بجٹ استعمال ہوتا ہے جب کہ کپاس کی صنعت بری طرح متاثر ہوئی ہے۔

سرمایہ کاری کے حوالے بات کرتے ہوئے عمران خان نے بتایا کہ اس سال پاکستان میں سب سے کم سرمایہ کاری ہوئی جس کے باعث گردشی قرضے سو ارب روپے تک پہنچ گئے ہیں۔

 

ایک سوال کے جواب میں اُن کا کہنا تھا کہ ملک میں بہتری آئے نہ آئے لیکن شریف خاندان کے بینک اکاؤنٹس اور کاروبار میں بہتری آرہی ہے انہوں نے اپنے فلیٹوں اور جائیداد کو وسعت دی اور ملکی مفاد کو پیچھے چھوڑ دیا۔

سربراہ تحریک انصاف نے مزید کہا کہ کرپشن سب سے پہلے اداروں کو متاثر کرتی ہے اور اداروں کو دیمک کی طرح چاٹ کر کھوکھلا کر دیتی ہےجس کے سدباب کے لیے عوام کو سڑکوں پر آنا ہوگا۔

Print Friendly, PDF & Email

Comments

comments

یہ بھی پڑھیں