The news is by your side.

Advertisement

الیکشن جیتنے کے لیے حکمت عملی تیار کرلی ہے: عمران خان

کراچی: پاکستان تحریک انصاف کے سربراہ عمران خان نے کہا ہے کہ الیکشن جیتنے کے لیے حکمت عملی تیار کرلی ہے، میچ تو ہرحال میں جیتیں گے۔

ان خیالات کا اظہار انہوں نے نجی ٹی وی کو انٹرویو دیتے ہوئے کیا، عمران خان کا کہنا تھا کہ ن لیگ کو شکست دینے کے لیے جہاں ضرورت پڑے گی سیٹ ایڈجسمنٹ کریں گے، انتخابات کے لیے بھرپور تیار ہیں، جیت کر نیا پاکستان بنائیں گے۔

انہوں نے مخالفین پر تنقید کرتے ہوئے کہا کہ شریف خاندان شوکت خانم پر حملے کرتے ہیں اگر کچھ نہ ملے تو میری ذاتی زندگی پر وار کرتے ہیں، ریحام خان کی کتاب کے پیچھے شریف برادران اور افتخار چوہدری کا ہاتھ ہے۔


پارٹی کی غیر ملکی فنڈنگ آڈٹ کے لیے بھیجنا خوش آئند ہے: عمران خان


سربراہ پی ٹی آئی کا کہنا تھا کہ ہماری حکومت آئی تو ہم پی آئی اے کی نجکاری نہیں کریں گے، اراکین قومی وصوبائی اسمبلی کو ترقیاتی فنڈ بھی جاری نہیں کریں گے کیوں کہ اس سے کرپش کا موقع ملتا ہے۔

ان کا کہنا تھا کہ پیپلز پارٹی اور ن لیگ سے لوگ پی ٹی آئی میں شامل ہوئے ہیں، تحریک انصاف نے الیکشن میں اپنے امیدواروں کو ٹکٹ بھی جاری کردیے ہیں، اپنا منشور بھی جلد جاری کریں گے۔


میری جنگ ہمیشہ کرپشن کے خلاف رہی ہے: عمران خان


خیال رہے کہ دو روز قبل نجی ٹی وی کو انٹرویو دیتے ہوئے عمران خان نے کہا تھا کہ گذشتہ انتخابات میں ناتجربہ کاری کی وجہ سے زیادہ سیٹیں نہیں لے سکے تھے، تحریک انصاف اس بار بھرپورتیاری کے ساتھ الیکشن میں حصہ لے گی، میری جنگ ہمیشہ کرپشن کے خلاف رہی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں