حکومت کاسمیٹک تبدیلیاں چھوڑ کر سنجیدہ معاشی چیلنجز پر توجہ دے: خورشید شاہ
The news is by your side.

Advertisement

حکومت کاسمیٹک تبدیلیاں چھوڑ کر سنجیدہ معاشی چیلنجز پر توجہ دے: خورشید شاہ

اسلام آباد: پاکستان پیپلز پارٹی کے رہنما خورشید شاہ نے کہا ہے کہ ملک شدید معاشی بحران کا شکار ہوچکا ہے، حکومت کاسمیٹک تبدیلیاں چھوڑ کر سنجیدہ معاشی چیلنجز پر توجہ دے۔

ان خیالات کا اظہار انہوں نے اسلام آباد میں صحافیوں سے گفتگو کرتے ہوئے کیا، خورشید شاہ کا کہنا تھا کہ ملک کو مہنگائی، بےروزگاری اور افراتفری کی جانب دھکیلا جارہا ہے، حکومتی اقدامات سے ملک، عوام اور جمہوریت کو خطرہ لاحق ہوسکتا ہے۔

انہوں نے کہا کہ وزیراعظم کو تدبر اور سنجیدگی سے مسائل کی طرف توجہ دینی چاہیئے، بھینسیں اور گاڑیاں نیلام کرکے عوام کا مستقبل نہیں سنوارا جاسکتا، حکومت اپنے وعدوں اور منشور کے مطابق حقیقی ایشوز پر توجہ دے۔

پی ٹی آئی 5 سال بالکل فری ہوکرحکومت کرے،خورشید شاہ

رہنما پی پی کا کہنا تھا کہ حکومت کے بے سمت اقدامات سے مہنگائی اور لوڈ شیڈنگ میں مزید اضافہ ہوگا، عمران خان نے ہمیشہ اداروں کے آزادانہ اور دباؤ کے بغیر کام کرنے کی بات کی۔

ان کا مزید کہنا تھا کہ عمران خان اپنے دعوے میں بھی ناکام رہے ہیں۔ پوچھے گئے ایک سوال پر خورشید شاہ کا کہنا تھا کہ سیاسی رہنماؤں اور کارکنوں کی گرفتاریوں کا سلسلہ شروع ہوچکا ہے۔

خیال رہے کہ دو روز قبل سابق قائد حزب اختلاف خورشید شاہ نے ایک تقریب سے خطاب کرتے ہوئے کہا تھا کہ پاکستان میں ٹیلنٹ ہے، پاکستانی اداروں کی دنیامیں مثالیں دی جاتی تھیں، غیرملکی ایئرلائنزکوپی آئی اے نے تربیت دی تھی، کیا وجہ سے دنیا آگے نکل رہی اور ہم پیچھے چلے جارہے ہیں۔

Comments

comments

یہ بھی پڑھیں