اقلیتوں کی پاکستان سےمحبت مثالی اور شک شبہ سے پاک ہے، عمران خان
The news is by your side.

Advertisement

اقلیتوں کی پاکستان سےمحبت مثالی اور شک شبہ سے پاک ہے، عمران خان

اسلام آباد : پاکستان تحریک انصاف کے سربراہ عمران خان کا کہنا ہے کہ 11 اگست اقلیتوں کی فلاح و بہبود کے حوالے سے تجدیدعہد کا دن ہے، ان کی پاکستان سےمحبت مثالی اور شک شبے سے پاک ہے۔

تفصیلات کے مطابق اقلیتوں کے قومی دن پر چیئرمین تحریک انصاف عمران خان نے خصوصی پیغام دیتے ہوئے کہا گیارہ اگست پاکستان میں بسنے والی اقلیتوں کی فلاح وبہبودکےحوالے سے تجدید عہد کا دن ہے۔

عمران خان کا کہنا تھا کہ اقلیتوں کی پاکستان سےمحبت مثالی اور شک شبہ سے پاک ہے، قومی زندگی میں بے مثال خدمات سرانجام دیں۔

چیئرمین پی ٹی آئی نے کہا کہ قائد اعظم نے اقلیتوں سے متعلق پاکستان کی پالیسی کی بنیاد رکھی، تحریک انصاف اقلیتوں سے متعلق قائد اعظم کا وژن نافذ کرے گی۔

ان کا مزید کہنا تھا کہ اقلیتوں کی بہبود کے لیے خصوصی اقدامات اٹھانے کا عزم کر رکھا ہے، مذہبی آزادی سے ترقی کے یکساں مواقعوں کی فراہمی تک ہر وعدہ نبھائیں گے۔

خیال رہے ملک بھر میں آج  اقلیتوں کادن منایاجارہاہے، جس کامقصد قیام پاکستان اورقومی تعمیر میں اقلیتوں کے کردار اور اُن کی قربانیوں کواجاگر کرناہے۔

یہ دن ہمیں قائداعظم محمدعلی جناح کی اس سوچ اور  نظریے کی یاددلاتا ہے جنہوں نے گیارہ اگست1947 کوقانون ساز اسمبلی سے  خطاب میں اعلان کیاتھا کہ اقلیتوں کو پاکستان میں اپنے مذہبی عقائد پرعملدرآمد کی مکمل اجازت ہوگی۔

Comments

comments

یہ بھی پڑھیں