پاکستان وہ عظیم ملک بنے گا جس کا خواب قائد اعظم، علامہ اقبال نے دیکھا: عمران خان
The news is by your side.

Advertisement

پاکستان وہ عظیم ملک بنے گا جس کا خواب قائد اعظم، علامہ اقبال نے دیکھا: عمران خان

اسلام آباد: ملک کے نامزد وزیر اعظم اور تحریک انصاف کے سربراہ عمران خان نے کہا ہے کہ پاکستان وہ عظیم ملک بنے کا جس کا خواب قائد اعظم اور علامہ اقبال نے دیکھا تھا۔

ان خیالات کا اظہار انہوں نے سماجی رابطے کی ویب سائٹ ٹوئٹر کے ذریعے یوم آزادی پر خصوصی پیغام میں کیا، عمران خان کا کہنا تھا کہ کرپشن واقربا پروری سے معاشی بدحالی کے باوجود یوم آزادی پر پر امید ہوں۔

انہوں نے کہا کہ اپنے عزم میں اگر ہم متحد ہوجائیں تو تمام چیلنجز کا مقابلہ کرسکتے ہیں، قائد اعظم محمد علی جناح اور علامہ اقبال نے جو خواب دیکھا ویسا پاکستان بنائیں گے۔

نامزد وزیر اعظم کا مزید کہنا تھا کہ متحد ہوکر ہم مسائل حل کرسکتے ہیں، معاشی بدحالی کے باوجود یوم آزادی پر پر امید ہوں۔


ملک بھر میں یوم آزادی کا جشن: بارہ بجتے ہی آتش بازی کے خوبصورت مناظر


خیال رہے کہ ملک بھر میں اکہترواں یومِ آزادی روایتی جوش و خروش اور جذبے سے منایا جارہا ہے، ملک بھر میں سرکاری عمارتوں، سڑکوں اور راستوں کو قومی پرچموں سے سجایا گیا ہے، تیرہ اگست کی رات بارہ بجتے ہی ملک بھر کے مختلف شہر فائرنگ سے گونج اٹھے۔

یوم آزادی کے موقع پر نوجوان بچے بوڑھے خواتین سب ہی اپنے وطن کی محبت میں خوشی سے سرشار ہیں، ہمارے بزرگوں نے لاکھوں جانیں دے کر پاکستان بنایا تھا، وطن عزیز کی سلامتی اور خوشحالی کے لیے بھی ہر قسم کی قربانی دینے کے لیے تیار ہیں۔

Comments

comments

یہ بھی پڑھیں