The news is by your side.

Advertisement

عمران خان تنہا اپنی قوم کے ساتھ کھڑے ہیں: فیصل جاوید

اسلام آباد: پاکستان تحریک انصاف کے سینئر رہنما اور سینیٹر فیصل جاوید کا کہنا ہے کہ مفاد پرست ٹولہ ایک طرف جبکہ دوسری طرف وزیراعظم تنہا اپنی قوم کے ساتھ کھڑے ہیں۔

تفصیلات کے مطابق سماجی رابطے کی ویب سائٹ ٹوئٹر پر اپنے ایک بیان میں فیصل جاوید نے کہا کہ اپوزیشن کہتی ہے عمران خان تنہا اور ہم متحد ہیں، یہ ہی تو ہم بھی کہتے ہیں کہ مفادپرست ٹولہ ایک طرف ہے۔

سینیٹر کا کہنا تھا کہ عمران خان تنہا اپنی قوم کے ساتھ کھڑے ہیں، تاریخ گواہ رہے گی کون مفادات کے ساتھ اور کون قوم کے ساتھ کھڑا تھا۔

رہنما پی ٹی آئی نے مولانا مارچ کو اپنے ٹوئٹ کے ذریعے شدید تنقید کا نشانہ بنایا۔

خیال رہے کہ اپوزیشن کی جانب سے اسلام آباد میں مارچ جاری ہے، البتہ کئی حلقوں نے دعویٰ کیا ہے کہ مارچ جلد ختم ہوجائے گا۔

دوسری جانب گذشتہ روز جمعیت علمائے اسلام ف کے سربراہ مولانا فضل الرحمان کا کہنا تھا کہ دھرنا ختم ہو سکتا ہے لیکن ٹائم فریم نہیں دے سکتا، مذاکرات کے لیے ہر وقت تیار ہیں۔

مفاہمت کے راستے نکالنے کی کوشش کررہے ہیں، پرویز الٰہی، اکرم درانی

مولانا فضل الرحمان نے اے آر وائی نیوز سے گفتگو کرتے ہوئے کہا تھا کہ ڈی چوک پر جا کر تصادم نہیں چاہتے، تمام فیصلے اپوزیشن کی مشاورت سے کر رہے ہیں، میں چاہتا ہوں مریم نواز کنٹینر پر آ کر عوام سے خطاب کریں تاہم اب تک ان سے کوئی رابطہ نہیں ہوا۔

Comments

comments

یہ بھی پڑھیں