تازہ ترین

چاہتا ہوں سائفر کو پبلک کیا جائے، عمران خان

پاکستان تحریک انصاف کے چیئرمین اور سابق وزیراعظم عمران خان نے اپنی آڈیو لیک پر ردعمل دیتے ہوئے کہا ہے کہ میں چاہتا ہوں سائفر کو پبلک کیا جائے۔

اے آر وائی نیوز کے مطابق پی ٹی آئی چیئرمین عمران خان نے پنجاب ہاؤس میں میڈیا سے گفتگو کرتے ہوئے کہا ہے کہ یہ آڈیو شہباز شریف نے ہی لیک کی ہیں، میں چاہتا ہوں کہ سائفر کو عام کیا جائے۔

عمران خان نے ایک سوال کے جواب میں کہا کہ ابھی تو سائفر پر کھیلا ہی نہیں ہوں، اب یہ ایکسپوز کریں گے تو اس پر ہم کھیلیں گے، سائفر پبلک ہوجائے تاکہ قوم کو پتہ چلے کہ کتنی بڑی ساز ہوئی ہے۔

واضح رہے کہ سابق وزیراعظم عمران خان اور پرنسپل سیکریٹری اعظم خان کی مبینہ آڈیو سامنے آئی ہے جس میں اعظم خان وزیراعظم عمران خان کو سائفر سے متعلق آگاہ کر رہے ہیں، اس گفتگو نے یہ سوال کھڑا کردیا ہے کہ کیا امریکا سے آنے والے سائفر کو سابق وزیراعظم سے چھپایا گیا تھا؟

لیک ہونے والی مبینہ آڈیو میں اعظم خان وزیراعظم عمران خان سے گفتگو میں سائفر سے آگاہ کر رہے ہیں، گفتگو میں سائفر کی تصدیق ہوتی ہے جس میں بتایا گیا ہے کہ سفیر نے لکھا سائفر کے بعد ڈیمارچ کیا جائے۔

گفتگو کے مطابق اعظم خان یہ بولتے ہوئے سنے جاسکتے ہیں کہ اگر آپ کو یاد ہے تو سفیر نے آخر میں لکھا ہے ڈیمارچ کریں، میں سوچ رہا ہوں سائفر کے اوپر ایک میٹنگ کرلیتے ہیں۔

یہ بھی پڑھیں: کیا امریکا سے آنے والا سائفر سابق وزیراعظم عمران خان سے چھپایا گیا؟

سابق پرنسپل سیکریٹری مبینہ آڈیو میں یہ بھی کہتے ہیں کہ شاہ محمود قریشی اور فارن سیکریٹری کی میٹنگ کریں جس میں لیٹر پڑھ کر سنایا جائے، میں وہ کاپی کرلوں گا۔

Comments

- Advertisement -
عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔