وزارت عظمیٰ کے لئے عمران خان کے کاغذات نامزدگی جمع
The news is by your side.

Advertisement

وزارت عظمیٰ کے لئے عمران خان کے کاغذات نامزدگی جمع

اسلام آباد: پاکستان تحریک انصاف کے سربراہ عمران خان نے وزارت عظمیٰ کے لئے کاغذات نامزدگی جمع کرا دیئے، 17 اگست کو وزیراعظم کا انتخاب کیا جائے گا۔

تفصیلات کے مطابق وزیراعظم کے انتخاب کے لئے پی ٹی آئی کے چیئرمین عمران خان نے کاغذات نامزدگی جمع کرادیئے، کاغذات نامزدگی میں شیخ رشید عمران خان کے تجویز کنندہ جبکہ فخر امام تائید کنندہ ہیں۔

شیخ رشید کا کہنا ہے کہ عمران خان 17 اگست کووزیراعظم منتخب ہو جائیں گے، عمران خان کے کاغذات نامزدگی ہم نے سب سے پہلے جمع کرائے۔

یاد رہے کہ قومی اسمبلی میں آج اسپیکر اور ڈپٹی اسپیکر کا انتخاب کیا جارہا ہے، پی ٹی آئی کے رہنما اسد قیصر کو قومی اسمبلی اسپیکر منتخب کرلیا گیا ہے۔

قومی اسمبلی میں اسپیکر اور ڈپٹی اسپیکر کے انتخاب کے بعد وزیر اعظم کے عہدے کے لیے اُمیدواروں کے کاغذات نامزدگی جمع ہوں گے اور 17 اگست کو وزیراعظم کا انتخاب عمل میں لایا جائے گا۔


مزید پڑھیں : قومی اسمبلی کا غیرحتمی شیڈول تیار، عمران خان 18 اگست کو وزیراعظم کا حلف اٹھائیں‌ گے


امکان ظاہر کیا جارہا ہے کہ 18 اگست کو منتخب وزیراعظم عہدے کا حلف لیں گے۔

خیال رہے وزیراعظم کے لئے پی ٹی آئی کی جانب سے عمران خان کو جبکہ مسلم لیگ ن کی جانب سے شہباز شریف کو نامزد کیا گیا ہے۔

واضح رہے کہ 25 جولائی کو ہونے والے انتخابات میں پی ٹی آئی اکثریتی پارٹی بن کر سامنے آئی ہیں، جس نے آزادی امیدوار اور اتحادی جماعتوں‌ کے ساتھ حکومت سازی کے لیے نمبر پورے کئے۔

Comments

comments

یہ بھی پڑھیں