عمران خان نے پارلیمانی پارٹی کا اجلاس طلب کرلیا -
The news is by your side.

Advertisement

عمران خان نے پارلیمانی پارٹی کا اجلاس طلب کرلیا

اسلام آباد : چیئرمین پاکستان تحریک انصاف عمران خان نے پارٹی کی پارلیمانی کمیٹی کا اجلاس آج پارلیمنٹ ہاؤس میں طلب کرلیا۔

تفصیلات کے مطابق پاکستان تحریک انصاف کی پارلیمانی پارٹی کا اجلاس آج دوپہر2 بجے پارلیمنٹ ہاؤس میں ہوگا جس میں پارٹی کی سینئرقیادت وزیراعظم کے انتخاب کے طریقہ کارسے آگاہ کرے گی۔

پی ٹی آئی کی پارلیمانی پارٹی کے اجلاس میں اپوزیشن کے ممکنہ احتجاج کے پیش نظرحکمت عملی اپنائی جائے گی۔

چیئرمین پاکستان تحریک انصاف نے تمام پارٹی اراکین اسمبلی کو اجلاس میں حاضری یقینی بنانے کی ہدایت کردی۔

واضح رہے کہ ملک کے 22 ویں وزیراعظم کا انتخاب آج عمل میں لایا جائے گا جس کے لیے پاکستان تحریک انصاف کے چیئرمین عمران خان اور مسلم لیگ ن کے صدر شہبازشریف کے درمیان مقابلہ ہے۔

وزیرِ اعظم پاکستان کا انتخاب آج ہوگا

قومی اسمبلی میں اس بار خفیہ رائے شماری کے بجائے ڈویژن کے ذریعے ووٹ دیے جائیں گے، عمران خان کے حامی ایک لابی جبکہ شہبازشریف کے حامی دوسری لابی میں جائیں گے۔

وزیراعظم کی نشست کے حصول کے لیے قومی اسمبلی میں کسی بھی امیدوار کو آئین کے آرٹیکل 91 کی شق 4 کے تحت ایوان کے مجموعی ارکان کی سادہ اکثریت درکار ہوتی ہے۔

Comments

comments

یہ بھی پڑھیں