عمران خان مشورہ سب سے کرتے ہیں، فیصلہ خود کرتے ہیں: پرویزخٹک: Imran khan
The news is by your side.

Advertisement

عمران خان مشورہ سب سے کرتے ہیں، فیصلہ خود کرتے ہیں: پرویزخٹک

پشاور: سابق وزیر اعلیٰ خیبرپختونخواہ پرویز خٹک نے کہا ہے کہ عمران خان مشورہ سب سے کرتے ہیں لیکن فیصلے خود کرتے ہیں، ان کا فیصلہ ہم سب کو قبول ہے۔

ان خیالات کا اظہار انہوں نے اے آر وائی نیوز کے پروگرام الیونتھ آور میں انٹرویو دیتے ہوئے کیا، پرویز خٹک کا کہنا تھا کہ محمودخان کی وزیراعلیٰ کے پی نامزدگی پر خوش ہوں، وہ اچھے اور محنتی شخص ہیں، امید ہے بہتر کارکردگی دکھائیں گے۔

انہوں نے کہا کہ مالاکنڈ ڈویژن سے کبھی کوئی وزیراعلیٰ نہیں بنا، یہاں سے وزیراعلیٰ بنانے سے مثبت پیغام جائے گا، مالاکنڈڈویژن میں پی ٹی آئی نے بہت اچھے نتائج دیے ہیں۔

پوچھے گئے ایک سوال پر رہنما پی ٹی آئی کا کہنا تھا کہ عاطف خان بھی بہت اچھے تھے، عمدہ کارکردگی دکھائی، صوبے میں مزید کا کرائیں گے۔

ان کا کہنا تھا کہ عمران خان جو بھی فیصلہ کریں گے قبول ہوگا، وہ کسی کے دباؤ میں نہیں آتے، جو بھی فیصلہ کرتے ہیں سوچ سمجھ کر کرتے ہیں۔


عمران خان نے محمود خان کو وزیراعلیٰ خیبر پختون خواہ نامزد کر دیا


پرویز خٹک کا مزید کہنا تھا کہ عمران خان نے کہا مجھے آپ کی وفاق میں ضرورت ہے، ملک میں لوگ تبدیلی چاہتے ہیں، چوروں لٹیروں اور کرپشن کا خاتمہ کریں گے۔

خیال رہے کہ آج پاکستان تحریک انصاف کی جانب سے وزیر اعلیٰ‌ کے پی کا نام سامنے آگیا، پارٹی چیئرمین کی جانب سے محمود خان کو اس عہدے کے لیے نامزد کیا گیا ہے۔

محمود خان پی کے9 سوات سے رکن صوبائی اسمبلی منتخب ہوئے تھے، وہ اس سےپہلےوزیرکھیل رہ چکےہیں۔

Comments

comments

یہ بھی پڑھیں