ہماری نشستیں عمران خان کی امانت ہیں، وہ جو بھی فیصلہ کریں: فوادچوہدری
The news is by your side.

Advertisement

ہماری نشستیں عمران خان کی امانت ہیں، وہ جو بھی فیصلہ کریں: فوادچوہدری

اسلام آباد: پاکستان تحریک انصاف کے ترجمان فواد چوہدری نے کہا ہے کہ ہماری نشستیں عمران خان کی امانت ہیں، وہ جو بھی فیصلہ کریں ہمیں منظور ہوگا۔

ان خیالات کا اظہار انہوں نے اے آر وائی نیوز کے پروگرام پاور پلے میں انٹرویو دیتے ہوئے کیا، فواد چوہدری کا کہنا تھا کہ پاکستان تحریک انصاف کو واضح اکثریت مل چکی ہے، وزیراعلیٰ پنجاب سے متعلق فیصلہ عمران خان کریں گے۔

انہوں نے کہا کہ آٹھ آزاد ارکان قومی اسمبلی پی ٹی آئی میں شامل ہوچکے ہیں، پی ٹی آئی کو خواتین کی مخصوص 33 نشستیں ملیں گی، جبکہ پی ٹی آئی کو اقلیتوں کی 5 نشستیں ملیں گی۔

رہنما پی ٹی آئی کا کہنا تھا کہ حکومت پھولوں کی سیج نہیں ہوگی، عمران خان نے جو کہا ہے اس پر عمل کریں گے، پاکستان کے عوام کو عمران خان سے بہت امیدیں ہیں۔

فواد چوہدری کا پوچھے گئے ایک سوال پر کہنا تھا کہ ایم کیو ایم ہمارا ساتھ دیتی ہے تو خوش آمدید کہیں گے، جہانگیرترین نے ایم کیو ایم کے رہنماؤں سے مذاکرات بھی کیے ہیں جس میں ایم کیو ایم نے کئی شرائط بھی رکھے ہیں۔

ان کا کہنا تھا کہ نیب کے قانون میں عمل درآمد نہیں ہو پاتا، نوازشریف کا کیس ایک ماہ میں ختم ہونا چاہیے تھا لیکن 9 ماہ لگ گئے، نیب قانون کے مطابق فیصلہ ایک ماہ میں ہوجانا چاہیے۔

ان کا مزید کہنا تھا کہ علیم خان کے خلاف کیس جاری ہے، ابھی فیصلہ نہیں ہوسکا، علاوہ ازیں پارٹی حکومت سازی سے متعلق جو فیصلہ کرے گی وہ سب کے سامنے ہوگا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں