تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

قتل پلان کی مانیٹرنگ کرنے والے دوسرے شخص کا نام بتاؤں گا، عمران خان

پاکستان تحریک انصاف کے چیئرمین اور سابق وزیراعظم عمران خان نے کہا ہے کہ قتل پلان کی مانیٹرنگ کرنے والے دوسرے شخص کا نام بتاؤں گا۔

عمران خان نے برطانوی میڈیا اور سینیئر صحافیوں سے گفتگو کرتے ہوئے کہا کہ سادہ اکثریت اور اتحادی حکومت کے باعث کوشش کے باوجود قانون کی بالادستی قائم نہیں کر سکا، احتساب بھی نہ ہوسکا، اب دو تہائی اکثریت سے الیکشن جیتیں گے۔

پی ٹی آئی چیئرمین کا مزید کہنا تھا کہ فوج کے ساتھ کھڑا ہوں، فوج میری ہے، حمایت مجھے نہیں ن لیگ اور پی پی کو درکار ہے، قتل کے منصوبے کی مانیٹرنگ کرنے والے دوسرے شخص کا نام بھی بتاؤں گا۔

سابق وزیراعظم نے کہا کہ نواز شریف ہمیشہ اپنے امپائرز کے ساتھ کھیلتا ہے، قانون کی بالادستی نہ ہونے سے طاقتور قانون سے اوپر رہے، حکمراں اشرافیہ 30 سال سے ملک لوٹتی رہی، میگا کرپشن کے کیسز پارلیمنٹ میں لا کر ختم کرا لیے گئے، ترقی پذیر ملکوں میں غربت کی وجہ یہی کرپٹ حکمراں اشرافیہ ہےہے۔

پی ٹی آئی رہنما عمران اسماعیل سے ملاقات میں پارٹی چیئرمین کا کہنا تھا کہ عوام کی جنگ عوام کی طاقت سے ہی جیتوں گا بزدلانہ قاتلانہ حملے حوصلے پست نہیں کرسکتے۔

اس سے قبل عمران خان نے حقیقی آزادی مارچ کے شرکا سے ویڈیو لنک خطاب کرتے ہوئے کہا تھا کہ حقیقی آزادی مارچ رکے گا نہیں، مزید زور پکڑے گا، ان کا کہنا تھا کہ میرے قتل کا منصوبہ ستمبر میں بنایا گیا، پنجاب میں ہماری حکومت ہے لیکن پولیس کہیں اور سے کنٹرول ہو رہی ہے، سابق وزیر اعظم ہوتے ہوئے بھی میں ایف آر نہیں کٹوا سکتا، چیف جسٹس صاحب! ملک کا مستقبل آپ کے ہاتھ میں ہے۔

Comments

- Advertisement -