پیر, فروری 10, 2025
اشتہار

مجھے توڑنے کیلیے بشریٰ بی بی کو سزا دلوائی گئی، بانی پی ٹی آئی

اشتہار

حیرت انگیز

راولپنڈی: بانی پاکستان تحریک انصاف (پی ٹی آئی) کا کہنا ہے کہ مجھے توڑنے کیلیے بشریٰ بی بی کو سزا دلوائی گئی۔

اڈیالہ جیل میں میڈیا سے گفتگو کرتے ہوئے بانی پی ٹی آئی نے کہا کہ گراف جولری سیٹ کی مالیت 3 ارب ظاہر کر کے ہمیں سزا دی گئی، ہم نے گراف جولری سیٹ کی مزید 3 جگہ سے کوٹیشن لے لی ہے۔

بانی پی ٹی آئی نے کہا کہ کوٹیشنز کے مطابق گراف جولری سیٹ کی قیمت ایک کروڑ 80 لاکھ بنتی ہے، آصف علی زرداری اور نواز شریف نے توشہ خانہ سے گاڑیاں لی ان کا کیس کیوں نہیں سنا جا رہا؟

سابق وزیر اعظم نے کہا کہ ہمارے کچھ لوگ اسٹیبلشمنٹ سے رابطے میں ہیں جو پارٹی کو توڑنا چاہتے ہیں، ہماری پارٹی کے وہی لوگ بشریٰ بی بی پر بھی الزام لگا رہے ہیں۔

انہوں نے کہا کہ توشہ خانہ ریفرنس بنانے پر چیئرمین نیب اور انعام شاہ کے خلاف کیس کروں گا۔

سابق خاتون اوّل کو مبینہ طور پر زہر دیے جانے پر سابق وزیر اعظم نے کہا کہ جب تک بشریٰ بی بی کی اینڈواسکوپی نہیں ہوتی کیسے کچھ پتا چل سکتا ہے، کوئی ٹیسٹ کیے بغیر کیسے پتا چل سکتا ہے کہ کھانے میں کیا ملاوٹ کی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں