The news is by your side.

Advertisement

‘وزیراعظم صرف عمران خان’ شوبز شخصیات نے فیصلہ سنا دیا

سپریم کورٹ کی جانب سے ڈپٹی اسپیکر کی رولنگ کے خلاف فیصلہ آنے کے بعد شوبز شخصیات وزیراعظم عمران خان کے حق میں میدان میں آگئیں۔

شوبز شخصیات کی جانب سے عمران خان کو ہی بطور وزیراعظم دیکھنے کی خواہش ظاہر کی ہے، اداکارہ عتیقہ اوڈھو نے فوٹو و ویڈیو شیئرنگ ایپلی کیشن انسٹاگرام پر کہا ہے کہ وزیراعظم عمران خان ایک ون مین آرمی ہیں۔

انہوں نے عمران خان کی تصور شیئر کرتے ہوئے کہا کہ عمران خان ایسی آرمی ہیں جو اقتدار میں رہ کر لوٹ کرنے والوں کے خلاف تنہا کھڑی ہے، اب وقت ہے عمران خان کی حمایت میں کھڑے ہونے کا، کیوں کہ یہ پاکستان کیلئے لڑ رہا ہے۔

معروف اداکار فیصل قریشی نے اپنے ٹوئٹ میں کہا کہ قائداعظم کی تصویر اور بیان شیئر کیا جس میں انہوں نے کہا تھا کہ ‘مسلمانوں گھبرانا نہیں ہے’ ساتھ ہی عمران خان کی تصویر اور بیان بھی شیئر کیا ‘گھبرانا نہیں ہے’۔

اسکرین گریب

اداکارہ زارا نور عباس نے عمران خان کے علاوہ کسی دوسرے شخص کو وزیراعظم قبول کرنے سے انکار کیا اور کہا کہ انہیں پی ٹی آئی کے علاوہ کوئی دوسری جماعت قبول نہیں۔

اسکرین گریب

‘فنکار سیاسی بحث کا حصّہ نہ بنیں’ اداکار شان نے ناقدین کو آئینہ دکھا دیا

اداکار شان شاہد اور دیگر شوبز شخصیات کی جانب سے بھی مسلسل وزیراعظم عمران خان کے حق میں بیانات دئیے جارہے ہیں۔

واضح رہے کہ سپریم کورٹ نے قومی اسمبلی کے اسپیکر کو ہفتے کی صبح اسمبلی کا اجلاس بلانے اور تحریک عدم اعتماد پر ووٹنگ کروانے کا حکم دے دیا۔

Comments

یہ بھی پڑھیں