The news is by your side.

پی ٹی آئی کا آج مظفرآباد آزاد کشمیر میں جلسہ ، عمران خان کی عوام سے شرکت کی اپیل

مظفرآباد: چیئرمین پی ٹی آئی عمران خان آج مظفرآباد آزاد کشمیر میں جلسہ عام سے خطاب کریں گے، عوام سے جلسے میں شرکت کی اپیل کردی۔

تفصیلات کے مطابق : پاکستان تحریک انصاف آج مظفرآباد آزادکشمیر میں عوامی طاقت کا مظاہرہ کرے گی ، جہاں چیئرمین پی ٹی آئی عمران خان جلسہ عام سے خطاب کریں گے۔

عمران خان نے اپنے ویڈیو پیغام میں عوام سے جلسے میں شرکت کی اپیل کرتے ہوئے کہا آج حقیقی اورمقبوضہ کشمیرکی آزادی پربات کروں گا۔

وزیراعظم آزاد کشمیرسردارتنویر الیاس نے جلسہ گاہ کا دورہ کرکے جلسے کے انتظامات کا جائزہ لیا، اس موقع پررہنما پی ٹی آئی علی امین گنڈاپور سمیت کارکنوں کی بڑی تعداد موجود تھی۔

سردار تنویر الیاس نے کہا کہ عمران خان کشمیریوں کے سفیر ہیں ، ایل او سی کے پار بھی کشمیری عمران خان سے والہانہ محبت کرتے ہیں۔

وزیراعظم آزاد کشمیر کا کہنا تھا کہ عمران خان کا جلسہ کشمیر کی تاریخ کا سب سے بڑا جلسہ ہوگا، لانگ مارچ سے قبل جلسے اختتام پذیر ہونے والے ہیں، آزاد کشمیر سے بھی لانگ مارچ میں عوام کی بڑی تعداد شریک ہوگی۔

Comments

یہ بھی پڑھیں