اسلام آباد : چیئرمین تحریک انصاف عمران خان آج شام قوم سے خطاب کریں گے، عمران خان کا خطاب میڈیا اورسماجی میڈیا پر براہ راست نشر کیا جائے گا۔
تفصیلات کے مطابق چیئرمین تحریک انصاف عمران خان نے قوم سے اہم ترین خطاب کا فیصلہ کرلیا ، عمران خان آج شام سوا 5بجے قوم سے براہِ راست مخاطب ہوں گے۔
عمران خان کا خطاب میڈیا اور سماجی میڈیا پر براہ راست نشر کیا جائے گا۔
گذشتہ روز پاکستان تحریک انصاف کے چیئرمین اور سابق وزیراعظم عمران خان تونسہ شریف میں تقریب سے خطاب کرتے ہوئے کہا تھا کہ سیلاب سے تباہی بڑا امتحان ہے اور قوم کو اکٹھا ہوکر ایک دوسرے کی مدد کرنی ہوگی، صرف 5 گھنٹے میں 10 ارب روپے پاکستانیوں نے اکٹھا کر کے مجھے دیا۔
عمران خان کا کہنا تھا کہ حکومت نے مجھ سے خوفزدہ ہو کر ٹیلی تھون کی نشریات ہی بند کرا دیں، بڑے مجرموں کو خوف ہے کہ ان کی کرسی نہ چلی جائے اور ان کی کرپشن نہ پکڑی جائے۔
انھوں نے کہا تھا کہ ہم سیلاب زدگان کے لیے پیسے اکٹھے کر رہے ہیں، اس دوران حکومت حربے نہ اپنائے۔
