ملتان: وفاقی وزیر خارجہ شاہ محمود قریشی کا کہنا ہے کہ وزیراعظم عمران خان چین اور ایران کا دورہ کریں گے ، چین میں منعقد ہونےو الی خصوصی تقریب میں مہمانِ خصوصی ہوں گے۔
تفصیلات کے مطابق شاہ محمود قریشی کا کہنا ہے کہ چین کے صدر نےوزیراعظم عمران خان کودعوت دی ہے، بیلٹ اینڈروڈشوکی خصوصی تقریب میں وزیراعظم بطور مہمان خصوصی شرکت کریں گے۔
انہوں نے بتایا کہ وہ جلد ہی جاپان جارہے ہیں جبکہ وزیر اعظم چین کےساتھ ساتھ ایران بھی جائیں گے۔پاکستان کےایران کےساتھ اچھے تعلقات ہیں۔ ایران اور چین کے ساتھ جلد بہت سے معاملات میں پیشرس ہوگی۔
افغان مذاکرات
افغانستان کے معاملے پر ان کا کہنا تھا کہ امریکا کےافغان طالبان کےساتھ مذاکرات ہورہےہیں،امریکا اورطالبان کی اگلی نشست15اپریل کودوحہ میں متوقع ہے۔ ان کا کہنا تھا کہ ہم چاہتےہیں امریکاطالبان مذاکرات منطقی انجام کو پہنچیں۔
انہوں نے انکشاف کیا کہ رخنہ اندازی ہوتی رہےگی،رکاوٹیں ڈالنےوالےموجودہیں،افغانستان پڑوسی ملک ہے،چاہتےہیں وہاں بہتری اورامن آئے لیکن افغانستان کا فیصلہ وہاں کےلوگ ہی کریں گے۔
سانحہ کوئٹہ
سانحہ کوئٹہ پر گفتگو کرتے ہوئے ان کا کہنا تھا کہ کوئٹہ میں معصوم لوگ شہیداورزخمی ہوئے ہیں،ہزارہ کمیونٹی کےلوگ بہت محنتی ہیں، دیکھنایہ ہےکیاکوئٹہ دہشتگردی کےپیچھےبیرونی ہاتھ ہیں۔
ان کا کہنا تھا کہ اطلاعات تھیں کہ بھارت پاکستان میں کسی قسم کی سازش رچاسکتا ہے،بھارت میں الیکشن کامرحلہ19مئی تک مکمل ہوگا۔19مئی تک پاکستان کومحتاط رہنےکی ضرورت ہے۔
شاہ محمود قریشی نے مزید کہا کہ بھارت غیرذمےداربیان بازی کرتاہے،ہمیں ایسانہیں کرنا۔ہم نےدکھاوےکی باتیں نہیں کرنیں،تحقیق کرنی ہے۔
بلاول بھٹو کے بارے میں ان کا کہنا تھا کہ بلاول ٹرین مارچ یاسندھ مارچ کریں ،یہ ان کا سیاسی حق ہے،بلاول پنجاب آئیں یاکہیں اور،انہیں روک نہیں سکتے۔ جنوبی پنجاب کے حوالے سے انکا کہنا تھا کہ ہماراارادہ پختہ ہے کہ جنوبی پنجاب کواس کاتشخص ملے۔
معیشت پر تبادلہ خیال
وزیر خارجہ کا کہنا تھا کہ ہمارےملک میں باصلاحیت لوگ موجودہیں۔10سال میں تجارتی ومالی خسارہ خطرناک حد تک بڑھ چکےتھے،باصلاحیت افسران حکومتی پالیسی کوپایہ تکمیل تک پہنچائیں گے۔
ان کا کہنا تھا کہ جب حکومت میں آئےتوصرف2ہفتےکےزرمبادلہ باقی تھے،گزشتہ 10سال میں ریکارڈقرضوں کاذمےدارکون ہے۔تحریک انصاف کی8ماہ کی حکومت کوذمےدارنہیں ٹھہرایاجاسکتا۔
اسحاق ڈارنےڈالرکی قدرکومصنوعی بریک لگارکھےتھے،بگڑی صورتحال سے تحریک انصاف کو دوچارہوناپڑا،اسدعمرسمیت کوئی بھی چٹکی بجاکرحالات ٹھیک نہیں کرسکتا۔
ان کے مطابق ملک کی معیشت میں بہتری آنا شروع ہوچکی ہے،عوام دیکھیں گے کہ آپ کی برآمدات میں اضافہ ہوگا۔جتنےبھی چیلنج ہیں وہ سابق حکومت کی جانب سےملے،تمام چیلنجوں پرقابوپانےکی کوشش کررہے ہیں۔
انہوں نے مزید کہا کہ حکومت گرانامسئلےکاحل ہوتاتوکوئی حکومت نہ چل سکتی ،2018میں عوام نے تحریک انصاف کو منتخب کیا اب پانچ سال انتظار کریں،پی ٹی آئی اپنی کارکردگی سامنےرکھےگی۔
نیب ایک خود مختار ادارہ ہے
شاہ محمود قریشی کا کہنا تھا کہ میری نظر میں نیب خودمختارادارہ ہے،نیب حکومت کے تابع نہیں،اسےدباؤمیں نہیں لاسکتے۔نیب نےاپنےفیصلے خودکرنےہیں،وہ خودمختارہے،نیب کرپشن کےتدارک کےلیےہماری مدد کرے۔
ان کا کہنا تھا کہ کسی بھی جماعت کےکرپٹ عناصرکی بیخ کنی ہونی چاہیے،نیب سےامیدہے،کرپشن کےخاتمےسےپاکستان آگےبڑھےگا۔
