پاکستان تحریک انصاف کے چیئرمین عمراں خان نے کہا ہے کہ امپورٹڈ حکومت نے قبائل کیلئےصرف110ارب روپے کا بجٹ رکھا، موجودہ حکومت نے ڈیولپمنٹ کی فنڈنگ کم کردی۔
سماجی رابطے کی ویب سائٹ ٹوئٹر پر جاری ایک پیغام میں سابق وزیراعظم نے وفاقی بجٹ کے اعداد و شمار پر موجودہ حکومت پر شدید تنقید کی۔
قبائلی اضلاع کی خصوصی ضروریات کےپیشِ نظرمیری حکومت نے3گنااضافےکیساتھ انکی فنڈنگ131ارب کی۔امپورٹڈحکومت نےبجٹ میں محض110ارب رکھتےہوئے ترقیاتی بجٹ کم کیاجبکہ بےگھرآبادی کیلئےایک پائی مختص کی نہ ہی موجودہ بجٹ میں ایک روپےکااضافہ کیا۔اس سے مجرموں کی سرکارکی نااہلی+بدنیتی عیاں ہے
— Imran Khan (@ImranKhanPTI) June 12, 2022
ان کا کہنا تھا کہ قبائل کی خصوصی ضروریات کے پیش نظر ہماری حکومت نے ان کی فنڈنگ3گنا کی، ہم نے قبائل کیلئے فنڈنگ3گنا کرکے131ارب روپے کردی تھی۔
عمران خان نے کہا کہ موجودہ حکومت نے آئی ڈی پیز کیلئے بھی فنڈنگ کچھ نہیں رکھی، حالیہ بجٹ میں قبائل کیلئےکوئی اضافہ نہیں کیا گیا۔
چیئرمین تحریک انصاف کا مزید کہنا تھا کہ قبائل کیلئے امپورٹڈ حکومت کے ناکافی اقدامات اس کی نااہلی، اور بدنیتی ظاہر کرتے ہیں۔
