تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

عمران خان 70 برس کے ہو گئے

اسلام آباد: چیئرمین تحریک انصاف عمران خان 70 برس کے ہو گئے، پی ٹی آئی آج ملک بھر میں عمران خان کی سالگرہ منائے گی۔

تفصیلات کے مطابق چیئرمین پی ٹی آئی اور سابق وزیر اعظم عمران خان نے زندگی کی 70 بہاریں دیکھ لیں، عمران خان کے لیے سوشل میڈیا پر مبارک باد کے پیغامات کا تانتا بندھ گیا، ’سالگرہ مبارک ہو خان صاحب‘ ٹوئٹر پر ٹرینڈ کرنے لگا۔

پارٹی کے سوشل میڈیا سیل نے عمران خان کی سالگرہ پر بچوں میں تحائف تقسیم کیے، تحریک انصاف نے عمران خان کے فالوورز کو نرم دلی کے مظاہرے کی بھی تلقین کی۔

’وہ آیا ۔۔ اس نے دیکھا اور فتح کر لیا‘ عمران خان کے بارے میں ایسا کہا جائے تو بے جا نہ ہوگا، کپتان نے زندگی کے جس بھی شعبے میں قدم رکھا، اس میں عروج پر پہنچے۔

انھوں نے کرکٹ کے میدان میں قدم رکھا تو لیجنڈ کرکٹرز میں جگہ پائی اور کپتان بنے تو پاکستان کو ورلڈ کپ کا فاتح بنا کر تاریخ رقم کر دی۔

سماجی شعبے میں آئے تو عوام کی مدد سے کینسر کے مریضوں کا علاج کرنے کے لیے شوکت خانم اسپتال بنا کر مثال قائم کر دی، سیاست کے میدان میں طویل جدوجہد کی، پھر ایسے قدم جمائے کہ سیاسی میدان پر چھا گئے۔

کپتان بڑے بڑے سیاسی برج الٹ کر وزیر اعظم پاکستان بنے، اسلاموفوبیا کے خلاف اقوام متحدہ میں امت مسلمہ کی آواز بن کر عالمی برادری کو جھنجھوڑ ڈالا۔

حکومت سے اپوزیشن میں آئے تو ملکی تاریخ کے ریکارڈ بڑے جلسے سب کے سامنے ہیں، کپتان کبھی گھبرایا اور نہ مقصد سے پیچھے ہٹا، اور کارکنوں کو بھی یہی پیغام دیا۔

Comments

- Advertisement -