The news is by your side.

Advertisement

سازش سے لائی گئی امپورٹڈ حکومت کی قیمت قوم بھگت رہی ہے، عمران خان

پاکستان تحریک انصاف کے سربراہ اور سابق وزیراعظم عمران خان نے کہا ہے کہ سازش سے لائی گئی امپورٹڈ حکومت کی قیمت قوم بھگت رہی ہے۔

پاکستان تحریک انصاف کے سربراہ اور سابق وزیراعظم عمران خان نے سماجی رابطوں کی ویب سائٹ ٹوئٹر پر موجودہ حکومت کو سخت تنقید کا نشانہ بنایا ہے۔

عمران خان نے اپنے ٹوئٹ میں لکھا ہے کہ رجیم چینج کی سازش کے ذریعےلائی گئی امپورٹڈ حکومت کی قیمت قوم بھگت رہی ہے، یہ سازش تب کی گئی جب ہماری حکومت نے معیشت کو مستحکم کیا تھا۔

عمران خان نے مزید لکھا ہے کہ ن لیگ کے گزشتہ دور میں برآمدات 25 ارب ڈالر پر رک گئی تھیں جب کہ ہمارے دور میں رواں سال پہلی بار برآمدات 30 ارب سے بڑھ کر 31 ارب ڈالر تک پہنچ گئی تھیں۔

پی ٹی آئی سربراہ نے ٹوئٹ میں مزید لکھا ہے کہ گزشتہ جولائی 2021 سے مارچ 2022 کی مدت میں ہماری حکومت میں برآمدات میں 27 فیصد اضافہ ہوا جب کہ ان کے آتے ہی جو میں چوروں کے ٹولے کے زیر اثر برآمدات کی شرح نمو 5.8 فیصد رہ گئی۔

 

Comments

یہ بھی پڑھیں