اسلام آباد: پنجاب میں تحریک انصاف کی واضح کامیابی کے بعد چیئرمین تحریک انصاف عمران خان کا اہم بیان سامنے آگیا ہے۔
سابق وزیراعظم عمران خان نے اپنے بیان میں پی ٹی آئی کارکنان اور ووٹرز کاشکریہ ادا کرتے ہوئے کہا کہ ہم نے نہ صرف لیگی امیدواروں اور ریاستی مشینری بلکہ پولیس کی ہراسگی اور جانبدار الیکشن کمیشن کو بھی شکست دی ہے۔
عمران خان نے تمام اتحادی جماعتوں ق لیگ، ایم ڈبلیو ایم، سنی اتحاد کونسل کا بھی شکریہ ادا کیا ہے۔
انہوں نے ملک میں ایک بار پھر فوری انتخابات کروانے کا مطالبہ کرتے ہوئے کہا کہ اب ایک ہی راستہ ہے ملک میں فوری صاف اور شفاف انتخابات کرائے جائیں، الیکشن کے علاوہ کوئی اور راستہ اپنایا گیا تو ملک میں مزید سیاسی اور معاشی بحران آئے گا۔
سابق وزیراعظم نے کہا کہ ملک میں ایک غیر جانبدار الیکشن کمیشن کے ماتحت فوری صاف اور شفاف الیکشن ہوں۔
میں اپنےتمام اتحادیوں مسلم لیگ ق،مجلسِ وحدت المسلمین اورسنی اتحاد کونسل کابھی شکرگزارہوں۔یہاں سےآگےکاواحد رستہ ایک ساکھ کےحامل الیکشن کمیشن کی زیرِنگرانی آزادانہ وشفاف انتخابات کاانعقادہے۔کوئی بھی دوسراراستہ محض سیاسی غیر یقینی میں اضافےاورمزیدمعاشی انتشارکیجانب لیکر جائےگا۔
— Imran Khan (@ImranKhanPTI) July 17, 2022
