The news is by your side.

Advertisement

سیٹ بیلٹس باندھ لیں، آج دوپہرپریس کانفرنس میں دھماکہ خیز انکشافات کروں گا، عمران خان

اسلام آباد : پاکستان تحریک انصاف کے سربراہ عمران خان نے کہا ہے کہ سیٹ بیلٹس باندھ لیں،آ ج دوپہر پریس کانفرنس میں دھماکہ خیز انکشافات کروں گا۔

تفصیلات کے مطابق پی ٹی آئی چیئرمین عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ ٹوئٹ میں کہا کہ لفظ لعنت جس تناظرمیں کہا اس میں یہ بہت نرم لفظ ہے، اگرکوئی اتفاق نہیں کرتا تومیں چیلنج کرتا ہوں کہ پبلک پول کرالیں، عوام ایسی پارلیمنٹ کے بارے میں کیا سوچتے ہیں پتا چل جائیگا۔گارنٹی سے کہتا ہوں عوام کی اکثریت مذمت کرے گی۔

عمران خان کا کہنا تھا کہ پارلیمنٹ کا کام قومی مفاد کا تحفظ ہے، پارلیمنٹ نے نااہل شخص کوپارٹی صدربننے کی اجازت دی، اس نااہل شخص نے3بلین روپے کی منی لانڈرنگ کی ، نااہل شخص کوپارٹی صدارت کی اجازت دینے والا قانون پارلیمنٹ پرلعنت ہے۔

سربراہ پی ٹی آئی نے ٹوئٹ میں مزید کہا کہ آج دوپہرپریس کانفرنس کرونگا، اپنی سیٹ بیلٹس باندھ لیں، دھماکا خیزانکشافات کروں گا۔


مزید پڑھیں : مال روڈ جلسہ، عمران خان کی پارلیمنٹ پر شدید تنقید


یاد رہے گذشتہ روز پی ٹی آئی چیئرمین عمران خان نے لاہور میں متحدہ اپوزیشن کے احتجاج میں اپنے خطاب میں کہا تھا کہ جو پارلیمنٹ انصاف نہ دے سکے اور مجرم کو پارٹی کا صدر بنا دے ایسی پارلیمنٹ پر لعنت بھیجتا ہوں۔

اُن کا مزید کہنا تھا کہ ’شیخ رشید کا اسمبلی سے استعفیٰ دینے کا اعلان اچھا مشورہ ہے، پارٹی سے اس معاملے پر بات کروں گا ہوسکتا ہے جلد ہم شیخ رشید کے ساتھ کھڑے ہوں کیونکہ ایسی اسمبلی کا کوئی فائدہ نہیں جو سپریم کورٹ کے فیصلوں کے خلاف قرارداد پیش کرکے قانون بنائے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں