اسلام آباد: پاکستان تحریک انصاف کے چیئرمین عمران خان کا کہنا ہے کہ حیران ہوں نواز شریف مشکل میں آتے ہیں تو دہشت گردی بڑھ جاتی ہے، کیا یہ محض اتفاق ہے؟
تفصیلات کے مطابق پاکستان تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ اکرم درانی کے قافلے پر دہشت گرد حملے کی مذمت کرتا ہوں۔
Strongly condemn the terrorist attack on Akram Durrani & his convoy. There seems to be a conspiracy to sabotage the 25 July elections but the people of Pakistan will not allow any design intended to target these historic elections to succeed.
— Imran Khan (@ImranKhanPTI) July 13, 2018
انہوں نے کہا کہ محسوس ہوتا ہے انتخابات کو سبوتاژ کرنے کے لیے سازش ہو رہی ہے، عوام ایسی کسی بھی سازش کو راہ میں حائل نہیں ہونے دیں گے۔
عمران خان کا کہنا تھا کہ حیران ہوں نواز شریف مشکل میں آتے ہیں تو سرحدی پر کشیدگی اور دہشت گردی بڑھ جاتی ہے۔ کیا ان واقعات کا بڑھ جانا محض اتفاق ہے؟
Beginning to wonder why whenever Nawaz Sharif is in trouble, there is increasing tension along Pakistan’s borders and a rise in terrorist acts? Is it a mere coincidence?
— Imran Khan (@ImranKhanPTI) July 13, 2018
خیال رہے کہ آج صبح بنوں میں متحدہ مجلس عمل کے امیدوار اکرم درانی کے قافلے پر بم حملہ کیا گیا تھا جس کے نتیجے میں 4 افراد جاں بحق اور 35 زخمی ہوئے جبکہ اکرم درانی محفوظ رہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
