site
stats
پاکستان

عمران خان نے خواجہ آصف کا اقامہ ٹوئٹر پر پوسٹ کر دیا

khawaja asif

اسلام آباد : پاکستان تحریک انصاف کے سربراہ عمران خان نے خواجہ آصف کا اقامہ ٹوئٹر پر پوسٹ کر دیا، عمران خان کا کہنا ہے کہ وزیراعظم اوروزیروں کی بےنقاب ہونے والی بددیانتی حیران کن ہے۔

تفصیلات کے مطابق پی ٹی آئی چیئرمین عمران خان نے سماجی رابطے کی ویب سائٹ ٹوئٹر پر وفاقی وزیر دفاع خواجہ آصف کا اقامہ پوسٹ کردیا اور اپنے پیغام میں کہا کہ تمام مافیا کے پاس متحدہ عرب امارات کے اقامے ہیں کیونکہ متحدہ عرب امارات کے بینک پابند نہیں ہیں اور نہ ہی اقاما ہولڈرز کے اکاؤنٹ کی تفصیلات ظاہر کرتا ہے۔

پی ٹی آئی چیئرمین نے کہا کہ وزیر اعظم اوروزیروں کی بےنقاب ہونے والی بددیانتی حیران کن ہے، ان کے لالچ سے ہم واقف ہیں مگر پھر بھی اتنی بددیانتی ہے۔

عمران خان نے کہا کہ بین الاقومی معاہدے کے تحت سینٹرل بینک متحدہ عرب امارات کو غیر رہائشیوں کے بینک اکاؤنٹس کی تمام معلومات کو ظاہر کرنا لازمی ہے۔


مزید پڑھیں : خواجہ آصف وفاقی وزیر ہونے کے ساتھ دبئی کمپنی کے ملازم نکلے


یاد رہے 2 روز قبل سیالکوٹ سے خواجہ آصف کے حلقے سے پی ٹی آئی کے امید وار عثمان ڈار نے سماجی رابطے کی ویب سائٹ ٹوئٹر پر خواجہ آصف کے اقامے کی کاپی جاری کی تھی، جس کے مطابق خواجہ آصف بھی دبئی کی کمپنی میں ملازم ہیں۔

ی آٹی ٹی کے رہنما عثمان ڈار کا کہنا ہے کہ خواجہ آصف سے متعلق حیرت انگیز انکشافات سامنے آئے ہیں، آرٹیکل63،62کےتحت خواجہ آصف کو بھی گھر بھیجیں گے، اقامہ ان کمپنیوں سے لیا گیا، جنہیں پروجیکٹ کی مد میں فائدہ دیا گیا۔

انھوں نے مزید کہا کہ خواجہ آصف سے متعلق جو دستاویزات ملی ہیں وہ حیران کن ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top