The news is by your side.

Advertisement

کے پی کے خواتین کو با اختیار بنانے میں دیگر صوبوں سے کہیں آگے ہیں ،عمران خان

اسلام آباد : پاکستان تحریک انصاف کے سربراہ عمران خان کا کہنا ہے کہ ملکی تاریخ میں پہلی مرتبہ جنگلات کی رائلٹی براہ راست خواتین میں تقسیم ہوگی۔

تفصیلات کے مطابق تحریک انصاف کے چیئرمین عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ کے پی کے خواتین کو با اختیار بنانے میں دیگر صوبوں سے کہیں آگے ہیں ،ملکی تاریخ میں پہلی مرتبہ جنگلات کی رائلٹی براہ راست خواتین میں تقسیم ہوگی۔

عمران خان کا کہنا تھا کہ یہ رائلٹی خواتین کو دینے کا آغاز چترال سے کیا گیا ہے اور مالاکنڈ میں بھی اس کی شروعات جلد کی جائے گی۔

یاد رہے کہ  خیبر پختونخوا حکومت نے جنگلات کی رائلٹی میں پہلی مرتبہ خواتین کو بھی حصہ دار بنا دیا ہے اور خواتین کی معاشی بہبود کے اس اہم منصوبے کے آغاز سب سے پہلے دور افتادہ ضلع چترال سے کیا گیا ۔


مزید پڑھیں :  خیبرپختونخواہ میں جنگلات کی رائلٹی اب خواتین کو بھی ملے گی


چترال کے سب ڈویژن دروش میں اب تک ہر گھر کے صرف مردوں کو جنگلات کی رائلٹی میں حصہ دیا جاتا تھا لیکن اب خواتین کو اس میں شامل کر دیا گیا ہے۔ دوسرے مرحلے میں یہ اقدام مالاکنڈ ڈیویژن میں کیا جائے گا۔

یہ فیصلہ چیف سیکرٹری خیبر پختونخوا نے دور افتادہ علاقوں میں آباد لوگوں کو ان کا حق پہنچانے کے لیے اور خواتین کو بااختیار بنانے کے لیے کیا ہے۔ خیبر پختونخوا میں ایسے علاقے ہیں جہاں سے گیس اور تیل کے پیدا ہوتی ہیں لیکن اب تک ان علاقوں کے بارے میں اس طرح کا کوئی فیصلہ نہیں کیا گیا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں