site
stats
پاکستان

ٹیکسٹائل سیکٹر کے تمام خام مال کو ٹیکس سے استثنیٰ دیا جائے گا: عمران خان

Imran Khan

اسلام آباد: پاکستان تحریک انصاف کے چیئرمین عمران خان کا کہنا ہے کہ ٹیکسٹائل سیکٹر کے تمام خام مال کو ٹیکس سے استثنیٰ دیا جائے گا۔ کپاس کا کاشت کار خوشحال ہونے تک ٹیکسٹائل انڈسٹری بہتر نہیں ہوسکتی۔

تفصیلات کے مطابق پاکستان تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ گزشتہ روز تحریک انصاف نے فیصل آباد میں ٹیکسٹائل پالیسی کا اعلان کیا۔ ٹیکسٹائل سیکٹر کے تمام خام مال کو ٹیکس سے استثنیٰ دیا جائے گا۔

ان کا کہنا تھا کہ پالیسی مرتب کرنے میں تمام اسٹیک ہولڈرز سے مشاورت کی گئی۔ مسلم لیگ ن نے توانائی سیکٹر پر ٹیکس لگا کر ٹیکسٹائل صنعت کو تباہ کیا۔ بجلی اور گیس کی قیمتوں کو دیگر ممالک کے یکساں کریں گے۔ قیمتیں یکساں ہونے سے صنعت کو بھی کاروبار کے موقع ملیں گے۔

عمران خان کا مزید کہنا تھا کہ دوسرا پوائنٹ منافع کو بہتر بنانا ہے۔ کپاس کا کاشت کار خوشحال ہونے تک ٹیکسٹائل انڈسٹری بہتر نہیں ہوسکتی۔ ٹیکسٹائل برآمد کنندگان کو ریفنڈز کی ادائیگی فوری کی جائے گی۔

انہوں نے مزید کہا کہ جی ایس پی پلس سے فائدہ اٹھانے کے لیے مؤثر اقدامات کیے جائیں گے۔ انڈسٹری کی حوصلہ افزائی کے لیے عالمی معاہدے اور تکنیکی تعاون دیا جائے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top