لندن گیم پلان ظاہرہوگیا ہے، نوازشریف این آراو کے لئے بے چین ہیں، عمران خان
The news is by your side.

Advertisement

لندن گیم پلان ظاہرہوگیا ہے، نوازشریف این آراو کے لئے بے چین ہیں، عمران خان

اسلام آباد : پاکستان تحریک انصاف کے سربراہ عمران خان کا کہنا ہے لندن گیم پلان ظاہر ہوگیا ہے،نوازشریف پارٹی نیب،عدلیہ کوبدنام کرنےکےلیےاستعمال کریں گے، نوازشریف این آراو کے لئے بے چین ہیں۔

تفصیلات کے مطابق چیئرمین پی ٹی آئی عمران خان نے سماجی رابطے کی ویب سائٹ ٹوئٹر پر اپنے بیان میں کہا ہے کہ لندن گیم پلان ظاہر ہوگیا ہے، نواز شریف پارٹی پر کنٹرول برقراررکھ کراسے نیب عدلیہ اور فوج کو بدنام کرنے کے لئے استعمال کریں گے، ان اداروں پر دباؤ ڈال کرایک اور این آر او کے لئے بھی استعمال کریں گے۔

عمران خان کا ٹوئیٹ میں کہنا ہے نوازشریف این آراو کے لئے بے چین ہیں،وہ منی لانڈرنگ میں سزا سے بچنا اوربیرون ملک جمع300ملین روپیہ بچانا چاہتے ہیں۔

چیئرمین پی ٹی آئی کا کہنا تھا کہ نواز شریف کو فکر نہیں اپنے300ملین بچانے کے لیے قوم کو کتنا نقصان پہنچایا۔

انھوں نے مزید کہا وزیراعظم خاقان عباسی پاکستان کوتیزی سے بانانا ری پبلک بنا رہے ہیں۔

اس سے قبل چیئرمین تحریک انصاف عمران خان نے کا کہنا تھا کہ 21 سال سے میرا مقابلہ سیاستدانوں سے نہیں بلکہ مافیا سے ہوا ہے اور 30 سال سے نواز و زرداری مافیا نے سیاست کے نام پر ملک کو لوٹا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں