site
stats
پاکستان

عمران خان آج کراچی پہنچ رہے ہیں

کراچی : پاکستان تحریک انصاف کے چئیرمین عمران خان دوروزہ دورے پر آج کراچی آئیں گے، پی ٹی آئی کے رہنما اور کارکنان نے ان کے استقبال کی تیاریاں کرلیں ہیں۔

پی ٹی آئی کے ترجمان نے کہا ہے کہ پارٹی چیئرمین عمران خان نے نتھیا گلی کا دورہ ملتوی کردیا اور اب آج کراچی پہنچیں گے، جہاں وہ اسٹیل ملز ورکرز کے احتجاج میں شرکت کریں گے۔

مرکزی ڈپٹی سیکریٹری اطلاعات جمال صدیقی کی جانب سے جاری اعلامیے کے مطابق چیئرمین عمران خان آج شام 5بجے کراچی پہنچیں گے، جہاں سے وہ اسٹیل ملز کے ہڑتالی کیمپ جائیں گے اور ہڑتالی ملازمین سے اظہار یکجہتی کریں گے اور اسٹیل ملز کے ملازمین کو تنخواہیں دینے کا مطالبہ بھی کریں گے۔ 6بجے ملیر میں پی ایس 127کے کارکنوں سے خطاب کریں گے۔

عمران خان رات 11بجے نشترپارک کادورہ کریں گے اور جلسے کے انتظامات کا جائزہ لیں گے، 6ستمبر کی صبح 10بجے ضلع سائوتھ کے منتخب وائس چیئرمین منصور شیخ کی رہائشگاہ پر ناشتے میں شرکت کریں گے اور بلدیاتی نمائندوں سے ملاقات کریںگے، عمران خان 3بجے فیصل ایدھی سے عبد الستار ایدھی کی وفات پر تعزیت کرینگے جبکہ 4بجے حنیف محمدکی تعزیت کے لیے ان کے گھر جائیں گے اور پھر جلسے میں شرکت کے لیے نشتر پارک پہنچیں گے جہاں جلسہ عام سے خطاب کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top