The news is by your side.

Advertisement

عمران خان آج مینارِ پاکستان کنسرٹ میں شرکت کریں گے

لاہور : تحریک انصاف کے سربراہ عمران خان آج سہہ پہر چار بجے لاہور پہنچیں گے، جلسہ کی تیاریاں مکمل جاری ہے، کپتان مینار پاکستان کنسرٹ میں شریک ہوں گے جبکہ آتشبازی کا دلفریب مظاہرہ بھی کیا جائے گا۔

تفصیلات کے مطابق پاکستان تحریکِ انصاف انتیس اپریل کو مینارِ پاکستان کے تاریخی گراؤنڈ میں جلسہ کرنے جا رہی ہے، جلسہ گاہ سمیت شہر بھر کو دلہن کی طرح سجا دیا گیا ہے۔

چیئرمین پی ٹی آئی عمران خان کل مینار پاکستان گراؤنڈ میں ہونے والے جلسے میں شرکت کیلئے آج لاہور پہنچ رہے ہیں، کپتان کی آمد سے قبل جلسے کے لئے پنڈال سج گیا۔ جلسہ گاہ میں تمام تیاریاں مکمل کر لی گئیں۔

کپتان آج رات نو بجے مینار پاکستان گراؤنڈ پہنچیں گے اور تحریک انصاف کے مینار پاکستان کنسرٹ میں شریک ہوں گے، کنسرٹ میں عطاءاللہ عیسی خیلوی، ابرار الحق اور دیگر گلوکار تحریک انصاف کے نغمات گائیں گے۔

عمران خان کی آمد پر مینار پاکستان گراؤنڈ میں آتش بازی کا دلفریب مظاہرہ بھی کیا جائے گا۔


مزید پڑھیں : انتیس اپریل کو مینار پاکستان پر سالگرہ کا جشن منائیں گے، عمران خان


عمران خان نے خیبر پختونخواہ ، سندھ اور بلوچستان سے آنے والے قافلوں کو آج شام تک مینار پاکستان ٹینٹ سٹی پہنچنے کی ہدایات جاری کر دی ہیں۔

یاد رہے کہ پاکستان تحریک انصاف کے 22ویں یوم تاسیس کےموقع پر چیئرمین عمران خان نے خصوصی ویڈیو پیغام میں کہا تھا کہ آج سے ٹھیک 22سال قبل تحریک انصاف کی بنیادرکھی، آج سالگرہ ہے، کارکنوں کو29اپریل کومینارپاکستان پہنچناہے، 29 اپریل کو مینار پاکستان کے سائے میں خوشیاں منائیں گے۔

واضح رہے کہ  تحریک انصاف کے چیئرمین عمران خان  نے 29 اپریل کو لاہور کے مینار پاکستان پر  ملک کی تاریخ کا سب سے بڑا جلسہ کرنے کا اعلان کرتے ہوئے کہا تھا کہ ہم نے ایک دن رائیونڈ جلسہ کیا تھا جس کی گونج “مجھےکیوں نکالا” کی صورت میں اب بھی سنائی دے رہی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں