The news is by your side.

Advertisement

عمران خان مرضی کا میچ، امپائر اور کھلاڑی چاہتے ہیں، مریم اورنگزیب

وزیراطلاعات ونشریات مریم اورنگزیب نے کہا ہے کہ جو ان سے سوال پوچے اس کو گالی اور دھمکی، عمران خان اپنی مرضی کا میچ، امپائر اور کھلاڑی چاہتے ہیں۔

وزیر اطلاعات ونشریات مریم اورنگزیب نے اسلام آباد میں میڈیا سے گفتگو کرتے ہوئے کہا کہ عمران خان کو فارن فنڈنگ کے سوالوں کے جواب دینا ہیں لیکن وہ چاہتے ہیں کہ سب انکےجھوٹ کی بیت کر لیں اور حساب نہ لیں۔

مریم اورنگزیب نے مزید کہا کہ وہ مرضی کے سوال اور اپنی مرضی کے جواب چاہتے ہیں، اپنی مرضی کا میچ، امپائر اور کھلاڑی چاہتے ہیں جہاں ان کی مرضی سے آؤٹ اور ناٹ آؤٹ دیا جائے ایسے ہی وہ مرضی کا جج، وکیل اور فیصلہ چاہتے ہیں۔

وفاقی وزیر نے کہا کہ عمران خان آئین کو مانتے ہیں نہ قانون کو بلکہ خود کو آئین وقانون سمجھتے ہیں، وہ خود کو ہی عدالت، جج اور پولیس بھی سمجھتے ہیں،عدالت سوال پوچھے تو اس کی توہین کرو، گالی اور دھمکی دو، الزام لگاؤ اور پھر سازش کہو، الیکشن کمیشن سوال پوچھے تو الزام لگاکر گھیراؤ کی دھمکیاں دو، میڈیا سوال پوچھے تو کالے قانون بناؤ اور چینل بند کردو، مخالفین سوال اٹھائیں تو انہیں سزائے موت کی چکیوں میں ڈالو۔

Comments

یہ بھی پڑھیں