The news is by your side.

Advertisement

دہشت گردی‘لوڈشیڈنگ کے باوجودخیبرپختونخواہ نےترقی کی‘عمران خان

عمران خان آج راولپنڈی میں جلسے سے خطاب کریں گے

اسلام آباد: پاکستان تحریک انصاف کے چیئرمین عمران خان کا کہنا ہے کہ خیبر پختونخواہ حکومت نے دہشت گردی جیسے بڑے مسئلے کے باوجود دیگر صوبوں کی نسبت زیادہ ترقی کی ہے، اس لیے ماہرین معشیت بھی ہماری کامیابی کوتسلیم کرتے ہیں۔

تفصیلات کے مطابق پاکستان تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر پیغام دیا ہے کہ ماہر معاشیات نے کے پی کے حکومت کی کامیابی کو قبول کیا ہے۔

عمران خان کا اپنے پیغام میں کہنا تھا کہ پاکستان کے معروف ماہر معیشت حفیظ پاشا نے خیبر پختونخوا میں پی ٹی آئی کی جانب سے لائی گئی تبدیلی کو تسلیم کیا ہے۔

پی ٹی آئی سربراہ کا کہنا کہ ’ہمیں خیبر پختونخوا میں دیگر صوبوں کے مقابلےمیں زیادہ لوڈشیڈنگ ہوتی تھی اس کے باوجود کے پی کے حکومت نے دوسرے صوبوں سے زیادہ ترقی ہے۔

ان کا کہنا تھا کہ خیبر پختونخوا میں پاکستان ٹھریک انصاف کو سب سے بڑا مسئلہ دہشت گردی کا تھا لیکن ہماری کوششوں کے نتیجے میں کے پی  کے کی معیشت دوسرے صوبوں سے بڑھ گئی ہے۔

یاد رہے کہ کپتان آج راولپنڈی میں میدان سجائیں گے، راولپنڈی میں جاری ممبرسازی مہم کے دوران کھلاڑیوں سے خطاب بھی کریں گے۔

پاکستان تحریک انصاف کے چیئرمین عمران خان کا نے کہا ہے کہ اب مرضی کا امپائرنہیں آئے گا، پچھلے الیکشن کی طرح زرداری اور نوازمک مکا نہیں ہونےدیں گے۔

گذشتہ انتخابات میں‌ زرداری اور نوازشریف نے مک مکا کرکے اپنے امپائر کھڑے کئے تھے، لیکن اس بار الیکشن میں پنکچر لگانے والے امپائر قبول نہیں کریں گے.


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں